Taleh Bağırovun cəzası bilindi - Hökm oxundu
20:53 25 Yanvar 2017
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi başa çatıb.
Femida.az -ın məlumatına görə, hakim Əlövsət Abbasovun sədrliyi ilə keçirilən prosesdə hökm oxunub.
Hökmə əsasən, Taleh Bağırov 20 illik müddətə azadlıqdan məhrum edilib. Bundan başqa, Abbas Hüseynov 20 il, Fuad Qəhrəmanlı isə 10 il müddətinə azadlıqdan məhrum olunub.
Hökmlə təqsirləndirilən Cabbar Cabbarova 19, Rasim Cəbrayılova 17, Şamil Abduləliyev, Zakir Mustafayev, Cahad Babakişizadə, Abbas Quliyev, İbrahim Xudaverdiyev, Etibar İsmayılov, Bəhruz Quliyev, Əli Nuriyev, Əlibala Vəliyev, Fərhad Balayev və Abbas Tağıyevin hər birinə 14 il 6 ay, Ramin Yarıyevlə Aqil Quliyevə 10 müddətinə azadlıqdan məhrumetmə cəzası verilib.
Taleh Bağırov və Abbas Hüseynov cəzalarının 7 ilini qapalı rejimdə çəkəcəklər.
Qeyd edək ki, prokuror T. Bağırova ömürlük həbs cəzası istəmişdi.
T. Bağırov Cinayət Məcəlləsinin 120-ci (qəsdən adam öldürmə) maddəsinin 120.2.1, 120.2.3, 120.2.4, 120.2.7, 120.2.12, 29,120-ci (qəsdən adam öldürməyə cəhd) maddəsinin 29, 120. 2.1, 29,120.2.3, 29, 120.2.4, 29,120.2.7, 29, 120. 2. 12, 228.3-cü (qanunsuz olaraq odlu silah əldə etmə), 228.4-cü (qanunsuz olaraq silah gəzdirmə) və digər maddələri ilə ittiham olunub.
2015-ci il noyabrın 26-da hüquq-mühafizə orqanlarının əməkdaşlarının Bakının Nardaran qəsəbəsində keçirdikləri xüsusi əməliyyat zamanı T. Bağırov da daxil olmaqla 60-dan çox şəxs saxlanılıb. Həmin şəxslərdən bir neçəsinin cinayət işi digərlərindən ayrılaraq Sabunçu rayon Məhkəməsinə göndərilib, barələrində müvafiq hökmlər çıxarılıb.
AXCP sədrinin müavini F. Qəhrəmanlı isə 2015-ci il dekabrın 8-də həbs edilib. O, Cinayət Məcəlləsinin 281-ci (dövlət əleyhinə açıq çağırışlar), 283-cü ( milli, irqi, sosial və ya dini nifrət və düşmənçiliyin salınması) və 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə) maddələri ilə təqsirləndirilib.
Femida.az
Oxunub: 9601
Oxşar xəbərlər
- Taleh Bağırovdan XƏBƏR VAR
- Taleh Bağırov barəsində yeni cinayət işi açıldı
- Taleh Bağırov Qobustan həbsxanasına köçürülüb
- Taleh Bağırovun apellyasiya şikayətinə baxıldı
- Taleh Bağırov və digərlərinin məhkəməsi olacaq
- Taleh Bağırovun işi geri qaytarıldı
- Taleh Bağırovun məhkəməsi olacaq
- Taleh Bağırov və Fuad Qəhrəmanlının məhkəməsi olub
- Taleh Bağırova ömürlük həbs istənildi - Məhkəmədən
- Taleh Bağırov məhkəməyə niyə gətirilməyib?