Navalnı 15 sutka həbsə məhkum edilib
22:49 27 Mart 2017
Moskva şəhərinin Tver Məhkəməsi Korrupsiya ilə Mübarizə Fondunun yaradıcısı, müxalifətçi Aleksey Navalnı haqqında 15 sutkalıq inzibati həbs qərarı çıxarıb.
Femida.az-ın RBK-ya istinadən verdiyi məlumata görə, A. Navalnı martın 26-da Moskvada keçirilən etiraz aksiyası zamanı polis tərəfindən saxlanılarkən müqavimət göstərməkdə ittiham olunub. Bu qərardan əvvəl isə müxalifətçi 20 min rubl məbləğində cərimələnib.
Xatırladaq ki, martın 26-da Moskva və Sankt-Peterburq da daxil olmaqla, Rusiyanın 24 şəhərində hökumət əleyhinə etiraz aksiyaları keçirilib.
Femida.az
Oxunub: 823