Ankarada və İstanbulda etirazlar başladı
13:13 17 Aprel 2017
Bu saatlarda Ankarada və İstanbulda Türkiyədəki referendumda səslərin hesablanması zamanı yol verilən saxtakarlıqlara qarşı çoxminli etiraz aksiyaları başlayıb.
Etiraz edənlər səsvermənin nəticələrinin ləğvini tələb edirlər.
Xatırladaq ki, Türkiyənin Mərkəzi Seçki Komissiyası (MSK) referendumda konstitusiyaya düzəlişlərin edilməsi tərəfdarlarının 1,25 milyon səs çoxluğu ilə qalib gəldiklərini elan edib.
MSK sədri Sədi Güvən deyib: “Bülletenlərin ilkin hesablaması göstərir ki, referendumda "hə" deyənlərin səsi 1,25 milyon dəfə çoxdur. Səsvermənin nəticələrinə görə, "hə" deyildi (Düzəlişlər təqdir olunub)".
Yeri gəlmişkən, bir az əvvəl Türkiyə Cümhuriyyət Xalq Partiyasının (CHP) sədri Kamal Kılıcdaroğlu referendumun nəticələri ilə bağlı açıqlama verərək referendumun qeyri-bərabər şərtlərlə keçirildiyini vurğulamışdı.
Kamal Kılıcdaroğlu referendumun nəticələrinin mübahisəli olduğunu bildirərək buna Yüksək Seçim Kurumunun (Mərkəzi Seçki Komissiyası) qərarlarının təsir etdiyini qeyd etmişdi: “Yüksək Seçim Kurumu bu referendumu mübahisəli vəziyyətə gətirdi. Millətin qərarına YSK kölgə saldı. YSK referendumun təhlükəsizliyindən məsuliyyətli idi”.
Müstəqil analitiklərin fikrincə, referendum və ondan əvvəl aparılan təbliğat cəmiyyətdə qarşıdurmaya gətirib çıxara bilər ki, nəticədə Ərdoğan hakimiyyəti zəifləyər.
Femida.az
Oxunub: 2514
Oxşar xəbərlər
- Ankarada əməliyyat - 98 nəfər saxlanıldı
- Ankarada ticarət mərkəzi yanır
- Ankaradan Qətər böhranı ilə bağlı açıqlama
- Ankarada atışma - Ölənlər var
- Ankarada İŞİD əməliyyatı - 6 nəfər tutuldu
- Ankarada Suriya müxalifəti ilə danışıqlar aparılacaq
- Ankarada kütləvi aksiyaların keçirilməsi qadağan edilib
- Ankarada Karlovun adına küçə olacaq
- Ankarada ABŞ səfirliyinə hücum cəhdi
- Ankaradakı İsrail səfirliyinə silahlı hücum - ölən var