Vidadi Zeynalov evini 2 milyona satıb, dövlətə vurduğu ziyanı ödədi
23:40 19 İyun 2017
Rabitə və Yüksək Texnologiyalar Nazirliyinin (RYTN) həbsdə olan sabiq aparat rəhbəri Vidadi Zeynalov dövlətə vurduğu ziyanın daha bir hissəsini ödəyib.
Femida.az -ın məlumatına görə, bu barədə APA-ya V. Zeynalovun vəkili Elxan Süleymanlı deyib.
Vəkil bildirib ki, müdafiə etdiyi şəxsin ailəsi yaşadığı mənzili satılıb və dövlətə 2 milyon 200 min manat ödəniş edilib. V. Zeynalovun qalan borcu 2 milyondur.
Qeyd edək ki, bir neçə gün əvvəl V. Zeynalov vurulan ziyanla bağlı 2 milyon manat ödəyib.
Bundan əlavə, “Rabitə işi” üzrə təqsirləndirilən şəxslərdən Bakı Telefon Rabitəsi İstehsalat Birliyinin baş mühasibi olmuş Anar Mustafayevin dəymiş ziyanı tam ödədiyi bildirilir.
Bakı Telefon Rabitəsi İstehsalat Birliyinin sədri olmuş Beytulla Hüseynov da dövlətə vurduğu 10 milyon manat məbləğində ziyanı ödəyib.
Xatırladaq ki, dövlət ittihamçısı təqsirləndirilən V. Zeynalovun 14 il, B. Hüseynovun 15 il, A. Mustafayevin 8 il, Qəmbər Bəybalayevin 10 il, Emin Məmmədovla Namazalı Məmmədovun hər birinin 12 il müddətinə azadlıqdan məhrum edilməsini, Cəlil Cəfərov, Səhrab Hümbətov, Bayram Vəliyev və Oktay Rüstəmovun isə hər birinin 5 il 11 ay 11 gün müddətinə şərti olaraq azadlıqdan məhrum olunmalarını istəyib.
Oxunub: 3937
Oxşar xəbərlər
- Vidadi Zeynalovun ailə üzvləri məhkəməyə müraciət edib
- Vidadi Zeynalov apellyasiya şikayəti verdi
- Vidadi Zeynalov müalicə müəssisəsinə yerləşdirilib
- Vidadi Zeynalova hökm oxunub
- Vidadi Zeynalova hökm oxunacaq
- Vidadi Zeynalov generalların məhkəməsinə gətirildi - Qəfildən halı pisləşdi
- Vidadi Zeynalov dövlətə vurduğu zərəri ödəyib
- Vidadi Zeynalovun məhkəməsi olub
- Vidadi Zeynalovun məhkəməsi olub - `Rabitə işi`
- Vidadi Zeynalovun vəkilləri məhkəməyə gəlmədi