SOCAR yeni quyular qazır
21:41 20 Avqust 2015
Azərbnaycan Dövlət Neft Şirkətinin (SOCAR) Kompleks Qazma İşləri Tresti “Pirallahı adası-quru”, ”Çandahar-Zarat”, “Səadan”, “Darvin bankası” və “Pirallahı-dəniz” yataqlarında yeni quyuların qazılmasına başlayıb.
SOCAR-ın mətbuat xidmətindən Femida.az-a verilən xəbərə görə, “Abşeronneft” NQÇİ-nin sifarişi ilə “Pirallahı adası-quru” yatağında Qirməkialtı Lay Dəstəsinə qazılan 1 188 nömrəli quyunun layihə dərinliyi 800 metr, “Pirallahı-dəniz” yatağındakı 1 140 nömrəli meydançadan Qirməkialtı Lay dəstəsinə qazılan 1 146 nömrəli quyunun layihə dərinliyi 890 metr, “Darvin bankası” yatağında 740 nömrəli meydançadan Qirməkialtı Lay Dəstəsinə qazılan 742 nömrəli quyunun layihə dərinliyi isə 1 150 metrdir.
Bundan başqa, “Siyəzənneft” NQÇİ-nin sifarişi ilə ”Çandahar-Zarat” yatağında 1 838 və “Səadan” yatağında 1 808 nömrəli quyularda da qazma işlərinə start verilib. Maykop Lay Dəstəsinə qazılan quyuların layihə dərinlikləri müvafiq olaraq 1 250 və 1 400 metrdir.
Geoloqların hesablamalarına əsasən, quyuların hər birindən sutkada 4-5 ton neft hasil ediləcəyi nəzərdə tutulur.
Oxunub: 820
Oxşar xəbərlər
- SOCAR 6,8 mln. ton neft hasil edib
- SOCAR Avstriyada iki şirkət alıb
- SOCAR-da çalışan əlillərin sayı açıqlanıb
- SOCAR-la `Özbəkneftqaz` əməkdaşlığı genişləndirir
- SOCAR bazara mühərrik yağları çıxarır
- SOCAR büdcəyə 1,3 milyard ödəyib
- SOCAR-ın yeni baş ofisi neçəyə başa gəlib?
- SOCAR-ın avtobusu piyadanı vuraraq öldürdü
- SOCAR Maltaya ötürəcəyi qazın həcmini açıqladı
- SOCAR-ın iki müəssisəsi birləşdi