Metroda qatarlar daha tez-tez gələcək
13:50 10 İyul 2017
Bu gündən Bakı metrosunda qatarlar yay qrafiki ilə hərəkət edəcək. İnterval gur saatlarda 2,5, qalan vaxtlarda, əsasən, 3 dəqiqə olacaq.
"Bakı Metropoliteni" QSC-nin mətbuat xidmətindən Femida.az-a verilən məlumata görə, yay mövsümünün başlanması Bakı Metropolitenində qatarların hərəkət qrafikində dəyişiklik edilməsi zərurətini yaradır. Çünki tədris mövsümünün başa çatması, həmçinin paytaxt sakinlərinin yay istirahətini şəhərdən kənarda keçirmələri metropolitendə sərnişin axınının əhəmiyyətli dərəcədə azalmasına səbəb olur.
"Bakı Metropoliteni" QSC-nin sədri Zaur Hüseynovun əmrinə əsasən, iyul ayının 10-dan metropolitendə qatarların hərəkətində yay qrafikinin tətbiqinə başlanılır. Qrafikə uyğun olaraq, tərtib edilən cədvələ görə, bir saat ərzində hərəkət yükü nəzərə alınaraq, xətlərdə qatarlararası intervallarda dəyişikliklər edilib. Gur saatlarda «Həzi Aslanov» stansiyasından «28 May» stansiyasına qədər və əks istiqamətdə interval 2,5 dəqiqə olacaq. Qalan vaxtlarda bu istiqamətdə 3 dəqiqəlik intervalla hesablanmış hərəkət təşkil ediləcək.
Məlumdur ki, metropolitendə iki xətt olsa da, qatarlar yolun əsas hissəsini bir xətt üzrə qət edir. Buna görə də, «28 May» stansiyasından sonra hərəkət zamanı həm «İçərişəhər», həm də «Dərnəgül» stansiyaları istiqamətində interval iki dəfə artır. Buna uyğun olaraq, həmin sahələrdə qatarlar gur saatlarda 5, digər vaxtlarda isə 6 dəqiqə uzaqlıqda olmaqla hərəkət edir.
Qeyd edək ki, gur hərəkət səhər saat 8-dən 10-a, axşam isə 6-dan 9-un yarısına qədərdir. Yalnız gecə saatlarına yaxın və qeyri-iş günləri hərəkət fərqli intervalla təşkil edilir.
Yay qrafiki yeni tədris mövsümünə qədər qüvvədə olacaq.
Femida.az
Oxunub: 735
Oxşar xəbərlər
- Metroda Yeni il şənliyi - Nəsimi Paşayev `Şaxta Baba` obrazında
- Metroda qadınları soyanlar tutuldu
- Metroda telefon oğrusu tutulub
- Metrodakı gecikməyə görə bir neçə vəzifəli şəxs işdən çıxarılıb
- Metroda qadının çantasına girən kişi yaxalandı
- Metroda problem yaranıb
- Metroda qatarlar niyə gecikir?
- Metroda qapıları saxlayan şəxslər 50 manat cərimə olunacaq
- Metrodan istifadə edən sərnişinlərin sayı artıb
- Metroda oğurluq edən Gürcüstan vətəndaşı tutulub