ATƏT-in monitorinqi baş tutdu - Qazaxda
21:44 25 Avqust 2015
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq avqustun 25-də Azərbaycanın Qazax rayonunun Məzəm kəndi yaxınlığındakı qoşunların təmas xəttində keçirilən monitorinq insidentsiz başa çatıb.
Femida.az Müdafiə Nazirliyinin məlumatına istinadla xəbər verir ki, monitorinqi Azərbaycan tərəfdən ATƏT-in fəaliyyətdə olan sədrinin şəxsi nümayəndəsinin səhra köməkçiləri Jiri Aberle və Piter Svedberq keçiriblər.
Təmas xəttinin qarşı tərəfində isə monitorinqə ATƏT-in fəaliyyətdə olan sədrinin şəxsi nümayəndəsinin səhra köməkçiləri Saymon Tiller və Yevgeni Şarov nəzarət ediblər.
Monitorinqdən sonra ATƏT-in nümayəndələri Qazax rayonunun cəbhə xəttinə yaxın yerləşən kəndlərin sakinləri ilə görüşüblər.
ATƏT-in nümayəndələrinə atəşkəsin mütamadi pozulmasından şikayətlənən sakinlər bildiriblər ki, ermənilər kəndləri, təsərrüfat sahələrini güllə atəşinə tutmaqla hər birimizin həyatına təhlükə yaradırlar.
Sakinlər beynəlxalq nümayəndəliyin fəaliyyətinin nəticəsizliyindən də şikayət ediblər.
“Keçirilən monitorinqlər hər dəfə nəticəsiz qalır. Artıq xalqın səbr kasası daşmaq üzrədir. İyirmi ildən artıqdır ki, torpaqlarımız düşmən tapdağı altındadır. Bir sıra beynəlxalq təşkilatlar tərəfindən Azərbaycana qarşı, münaqişənin həllinə ikili standartlar nümayiş etdirilir.
Ermənistanın işğalçılıq siyasətinə son qoyulmalı və öz vətənində məcburi köçkünə çevrilən bir milyondan artıq insanın pozulmuş hüquqları bərpa olunmalıdır. Dünya ictimaiyyəti, beynəlxalq təşkilatlar ədalətli mövqe tutaraq işğalçıya öz yerini göstərməlidir”, - deyə onlar vurğulayıblar.
Sonra ATƏT-in nümayəndələri Məzəm kəndinin sakini Sarif Rəhimovun evinə gələrək deyilənlərin həqiqət olduğunun şahidi olublar. Onlar evin divarlarında, hətta dəmir darvazasında erməniər tərəfindən atılan çoxlu güllə izlərini əyani olaraq görüblər.
Oxunub: 667
Oxşar xəbərlər
- ATƏT-in xüsusi nümayəndəsi Bakıdadır
- ATƏT-in xüsusi nümayəndəsi Bakıya gəlir
- ATƏT-in İrəvan Ofisi rəsmən bağlanıb
- ATƏT-in səhra köməkçiləri təmas xəttinə gedir
- ATƏT-in İrəvan ofisi fəaliyyətini dayandırır
- ATƏT-in İrəvan ofisinin bağlanmasına XİN-dən reaksiya
- ATƏT-in səhra köməkçiləri Qarabağa gedəcək
- ATƏT-in sədrinin bəyanatı qənaətbəxş deyil - Azay Quliyev
- ATƏT-in Minsk qrupu bəyanat yaydı
- ATƏT-in Bakı ofisi açılmayacaq - RƏSMİ AÇIQLAMA