Qətnamə hansı müddət ərzində tərəflərə təqdim edilməlidir?
15:02 11 Avqust 2017
“Qanunvericiliyə əsasən, qətnamə elan edilənədək tərtib edilməlidir, hazır olmalıdır”
Bunu Femida.az-a açıqlamasında vəkil Asif Abdullayev deyib.
Asif Abdullayev bildirib ki, müstəsna hallarda, xüsusilə mürəkkəb işlər üzrə qətnamənin nəticə hissəsi elan edildikdən sonra əsaslandırılmış qətnamənin tərtib edilməsi 10 gün müddətinədək başa çatdırılmalıdır:
“Bu halda məhkəmə qətnamənin nəticə hissəsinin elan olunduğu gün onun təsdiq olunmuş surətini işdə iştirak edən şəxslərə rəsmi qaydada verməlidir. Sədrlik edən eyni zamanda işdə iştirak edən şəxslərin əsaslandırılmış qətnaməni nə vaxt ala biləcəklərini elan edir. Məhkəmənin qətnaməsi işdə iştirak edən şəxslərə tərtib edildikdən sonra 3 gün ərzində rəsmi qaydada verilməlidir”.
Vəkil onu da əlavə etdi ki, qətnamə elan edildikdən sonra ən geci 13 günə işdə iştirak edən şəxslərə rəsmən təqdim edilməlidir.
Ceyhun Əhmədli
Femida.az
Oxunub: 1739
