Məşhur avtoritet Lənkəranskinin qəbri üstündə - VİDEO
14:01 19 Avqust 2017
Cinayət aləminin "Ümumavropa kassasının" nəzarətçisi, Şeyx Həmzət adı ilə məşhur olan çeçen əsilli kriminal avtoritet Həmzət Qastəmirov Azərbaycana gəlib. Onun gəlişində məqsəd 2016-cı il avqustun 17-dən 18-nə keçən gecə İstanbulda qətlə yetirilən azərbaycanlı qanuni oğru Rövşən Lənkəranskinin (Canıyev) qəbrini ziyarət etmək və il mərasiminə qatılmaq olub.
Femida.az Sputnik Azərbaycana istinadən xəbər verir ki, Qastəmirov "qardaşı" Rövşən Lənkəranskinin xatirəsini yad edəndən və qəbrinə gül çələngi qoyandan sonra onun ailə üzvlərinə başsağlığı verib. Qastəmirovu Rövşən Lənkəranskinin məzarını ziyarətə gələn lənkəranlılar izdihamla qarşılayıblar. Şeyx Həmzət onlara Rövşən Lənkəranskinin onun üçün çox dəyərli olduğunu bildirib, bu itkinin yerinin doldurulmayacağını qeyd edib. Yeri gəlmişkən, Qastəmirov çıxışını Azərbaycan dilində edib. Sonra Rövşən Lənkəranskinin ruhuna dua oxuyub. Lənkəranskinin atası Rafiq Canıyev və digər rəhmətə gedən doğmalarının məzarlarını da ziyarət edərək ruhlarına Fatihə verib. Daha sonra o Bakıya qayıdıb.
Qeyd edək ki, Almaniyada yaşayan kriminal avtoritet Qastəmirov bir həftədir Bakıdadır.
Bununla yanaşı, Azərbaycanın hüquq-mühafizə orqanlarındakı mənbə Sputnik Azərbaycan-a bildirib ki, Lənkəranskinin xatirəsini yad etmək üçün kriminal dünyasının hal-hazırda qanunla hər hansı problemi olmayan azsaylı nümayəndələri gəlib.
"Qonaqlar sakitcə mərhumun qəbrini ziyarət ediblər, gül çələngi qoyublar və səssizcə oradan uzaqlaşıblar" — deyə hüquq-mühafizə orqanlarındakı mənbə bildirib.
Femida.az
Oxunub: 10711
Oxşar xəbərlər
- Məşhur futbolçu vergidən yayınıb
- Məşhur futbolçu 9 il müddətinə həbs edildi - Zorlamaya görə
- Məşhur nəşr erməni lobbi təşkilatının çirkin əməllərindən yazdı
- Məşhur şahmatçı DİN-in əməkdaşı imiş - FOTO
- Məşhur hakim işdən çıxdı
- Məşhur rəssamı qəbirdən çıxaracaqlar
- Məşhur rusiyalı aktyor vəfat edib
- Məşhur ərin alimentə görə qəribə oyunları - FOTOLAR
- Məşhur model də azadlığa buraxıldı - VİDEO
- Məşhur azərbaycanlı prodüser vəfat etdi