Tofiq Hacıyev Dilçilik institutuna geri qayıtdı
20:48 27 Avqust 2015
Akademik Tofiq Hacıyev Azərbaycan Milli Elmlər Akademiyası (AMEA) Dilçilik İnstitutunun direktorluğundan azad olunmağı barədə ərizəsini geri götürüb.
O, bildirib ki, məsələyə AMEA Rəyasət Heyətinin növbəti iclasında baxılacaq:
"Dilçilik İnstitutundakı vəzifəmdən çıxmaq haqqında ərizəmi geri götürmüşəm. Əslində, ərizə qeyri-qanuni idi, çünki onu məzuniyyətdə olan vaxt yazmışdım".
Akademik bildirib ki, işdən çıxması ilə bağlı qərarı tələsik qəbul edib:
"O vaxt əsəbi şərait var idi, işdən çıxmaq barədə ərizə verdim. Sonra yazıları, müxtəlif münasibətləri gördüm, fikrimi dəyişdim. Nə səbəbə belə bir vəziyyət yaranıb, onu aydınlaşdırmaq üçün işə qayıtmaq istəyirəm. Ona görə də ərizəmi geri götürmüşəm".
T.Hacıyev deyib ki, işə qayıtmağı Dilçilik İnstitutunun kollektivi ondan xahiş edib:
"Kollektiv də xahiş etdi, mən də məsələləri aydınlaşdırmaq üçün işə getmək istəyirəm. Ona görə də vəzifəmə qayıdacam".
Akademik gələn aydan işə çıxacağını bildirib.
Oxunub: 1069
Oxşar xəbərlər
- Tofiq İsmayılovun qızı: `Qorbaçov vertolyot qəzasından iki gün əvvəl atama zəng etmişdi`– FOTOLAR
- Tofiq Yaqubluya bir kaç kəlmə
- Tofiq Yaqubluya xəbərdarlıq edildi
- Tofiq Əzizov şöbə rəisi təyin olundu
- Tofiq Hacıyevin yerinə kim gətiriləcək? - Açıqlama
- Tofiq Hacıyevi kim əvəz edəcək?
- Tofiq Hacıyev faciəli şəkildə öldü
- Tofiq Hacıyev istefa verdi