Ötən ay axtarışda olan 267 nəfəri saxlanılıb
21:55 03 Aprel 2015
Ötən ay dövlət sərhədini pozan 34 nəfər saxlanılıb.
Femida.az-ın məlumatına görə, Dövlət Sərhəd Xidmətinin (DSX) mətbuat mərkəzindən APA- ya bildirilib ki, DSX tərəfindən 2015-ci ilin mart ayı ərzində dövlət sərhədini pozduqları üçün 28 halda 34 nəfər saxlanılıb. Onların 24 nəfəri Azərbaycan Respublikası, 5 nəfəri Özbəkistan, 2 nəfəri Türkiyə, digərləri (hər ölkədən bir nəfər olmaqla) İran İslam Respublikası, Gürcüstan və Litva vətəndaşları olub.
Sərhəd rejim qaydalarını pozarkən yaşıl sərhəddə 9 halda 18 nəfər, Xəzər dənizində 7 halda 11 nəfər saxlanılaraq barələrində müvafiq tədbir görülüb.
Cinayətkarlığa qarşı mübarizə tədbirləri nəticəsində Azərbaycan Respublikasının hüquq-mühafizə orqanları tərəfindən axtarışda olan 267 nəfər aşkarlanaraq aidiyyəti orqanlara təhvil verilib.
Narkotik vasitələrin qeyri-qanuni dövriyyəsinə qarşı mübarizə tədbirləri nəticəsində 23 halda 10 kiloqram (kq) 332,7 qram narkotik maddənin dövlət sərhədindən keçirilməsinin qarşısı alınıb. Qaçaqmalçılıq fəaliyyəti ilə məşğul olan bir cinayətkar dəstə aşkarlanıb, dəstə üzvlərindən bir nəfəri cinayət məsuliyyətinə cəlb edilib, digərləri barədə əməliyyat-axtarış və istintaq tədbirləri davam etdirilir.
Qaçaqmalçılıq fəaliyyətinə qarşı mübarizə çərçivəsində həyata keçirilmiş tədbirlər nəticəsində 68 halda ümumi dəyəri təqribən 712 min manat olan qaçaqmalın, o cümlədən 1 ədəd pnevmatik tapança, 24 ədəd 12 millimetrlik giliz, 15 kq barıt, 3 ədəd beşbarmaq, 1 ədəd bıçaq, 1 ədəd gözyaşardıcı balon, 337 ədəd zinət əşyası, 8486 qutu siqaret, 91 ədəd mobil telefon, avtomobillər üçün 19 adda 28 ədəd ehtiyat hissələri, 3500 metr balıq toru, 1 kiloqram kalium-permanqanat preparatı, 3,5 kq qırmızı kürü, müxtəlif ərzaq və sənaye malları saxlanılıb.
Femida.az
Oxunub: 655
Oxşar xəbərlər
- Ötən il Azərbaycana 3 milyona yaxın turist gəlib
- Ötən ilin 11 ayında 22 bank filialı bağlanıb
- Ötən günün statistikası: 63 cinayət
- Ötən gün 102 cinayət faktı qeydə alınıb
- Ötən gün 100 cinayət faktı qeydə alınıb
- Ötən gün 78 cinayət faktı qeydə alınıb
- Ötən gün 98 cinayət faktı qeydə alınıb
- Ötən gün 100 cinayət törədilib
- Ötən gün 94 cinayət faktı qeydə alınıb
- Ötən günün yol qəzaları - 12 ölü, 29 yaralı