Elmira Süleymanova Ərdoğanla görüşüb
23:39 29 Sentyabr 2017
Azərbaycan ombudsmanı Elmira Süleymanova Türkiyə ombudsmanı tərəfindən İstanbul şəhərində təşkil olunmuş Beynəlxalq Ombudsmanlar Konfransında, həmçinin üzvü olduğu İslam Ölkələri Ombudsmanlar Assosiasiyasının Baş Məclisinin iclasında iştirak edib.
Ombudsman Aparatından Femida.az-a verilən məlumata görə, Asiya, Afrika, Yaxın Şərq və Avropa ölkələrinin ombudsmanlarının iştirak etdiyi tədbirdə Türkiyə Prezidenti Rəcəb Tayyib Ərdoğan açılış nitqi ilə çıxış edib.
Açılış nitqindən sonra Azərbaycan ombudsmanı Türkiyə Prezidenti ilə görüşüb.
Müvəkkil beynəlxalq tədbirin birinci sessiyasında çıxış edərək Azərbaycan ombudsman İnstitutunun fəaliyyəti haqqında iştirakçılara geniş məlumat verib, insan hüquqlarının səmərəli müdafiəsi sahəsində müsbət təcrübələri haqqında danışıb.
Ombudsman Azərbaycan torpaqlarının 20 faizinin Ermənistan hərbi qüvvələri tərəfindən zəbt olunduğunu və bunun nəticəsində bir milyondan çox qaçqın və məcburi köçkünün öz torpaqlarından didərgin düşdüyünü, onların kütləvi şəkildə hüquqlarının pozulduğunu, dinc əhalinin Ermənistan hərbi qüvvələri tərəfindən müntəzəm şəkildə silahlı hücumlara məruz qaldığını tədbir iştirakçılarının diqqətinə çatdırıb.
Femida.az
Oxunub: 746
Oxşar xəbərlər
- Elmira Süleymanova Edvard Karvardini ilə görüşüb
- Elmira Süleymanova məhbuslarla görüşüb
- Elmira Süleymanova ATƏT PA-nın sədri ilə görüşüb
- Elmira Süleymanovaya “Şərəf” ordeni verildi
- Elmira Süleymanova vəzifədən gedir
- Elmira Süleymanova erkən nikahlardan danışdı
- Elmira Qafarovanın doğma qızının FOTOSU - ÖZƏL
- Elmira Qafarovanın müşavirindən - ŞOK AÇIQLAMA