Ermənistanın əməlləri Xristian dininə ziddir - XİN
15:09 05 Oktyabr 2017
"Ermənistanın Azərbaycanın işğal olunmuş ərazilərində mülkiyyətin talan edilməsi, təbii sərvətlərin istismarı, Azərbaycan xalqına məxsus maddi-mədəni irsi vəhşicəsinə məhv etməsi və özününküləşdirilməsi, uğursuz şəkildə demoqrafik vəziyyəti dəyişməyə cəhd etməsi və digər qanunsuz əməlləri beynəlxalq humanitar hüquq, o cümlədən Cenevrə konvensiyaları ilə üzərinə götürdüyü öhdəliklərinin kobud şəkildə pozulmasıdır".
Femida.az xəbər verir ki, bu sözləri APA-ya açıqlamasında XİN-nin mətbuat xidmətinin rəhbəri Hikmət Hacıyev deyib.
O bildirib ki, Ermənistan tərəfindən Azərbaycanın işğal olunmuş ərazilərində tarixi alban xristian irsinin və məbədlərinin mənimsənilməsi azmış kimi, ermənilərin heç zaman yaşamadığı işğal olunmuş Cəbrayıl rayonunda kilsə tikmələri qəsdən münaqişəyə dini don geyindirmək, münaqişənin ATƏT-in Minsk Qrupunun həmsədrlərinin vasitəçiliyi ilə mövcud təkliflərə uyğun olaraq həllinə maneə olmaqdır: "Erməni din xadimlərinin bu qanunsuz və dini dəyərlərdən kənar təxribatçı prosesdə xüsusi canfəşanlıq göstərməsi ciddi təəssüf doğurur. Ermənistan və erməni kilsəsi tərəfindən həyata keçirilən bu kimi əməllər beynəlxalq humanitar hüquqa zidd olmaqla bərabər, digər səmavi dinlər kimi, sülhə, başqasının mülkiyyətinə hörmətlə yanaşmağa, insanların həyatına qəsd və digər təcavüzkar əməllərdən kənar durmağa çağıran xristian dininin təməl prinsipləri və müqəddəs İncilin təlimləri ilə bir araya sığmır. Ermənistanın bu təxribatçı əməli də aidiyyəti üzrə beynəlxalq təşkilatlar çərçivəsində qaldırılacaq".
Qeyd edək ki, ermənilərin Azərbaycanın işğal olunmuş Cəbrayıl rayonunda tikdiyi Müqəddəs Məryəm kilsəsinin açılışı olub.
Kilsə Qriqor Movsesyanın vəsaiti hesabına inşa olunub.
Femida.az
Oxunub: 1071
Oxşar xəbərlər
- Ermənistanın 2 hərbi qulluqçusu döyüş postunda yaralandı
- Ermənistanın 3 hərbi qulluqçusu fərarilik edib
- Ermənistanın baş naziri İrana gedir
- Ermənistanın dövlət borcu rekord həddə çatıb
- Ermənistanın müdafiə naziri Çinə Rusiyanı şantaj etmək üçün gedib - VİDEO
- Ermənistanın baş sinoptiki Bakıya qarğış etdi
- Ermənistanın `beynəlxalq konfrans` oyununa ETİRAZ
- Ermənistanın iki hərbi obyekti dağıdıldı - VİDEO
- Ermənistanın işğalçı dövlət olduğu NATO çərçivəsində sübut edilib
- Ermənistanın gömrük rəisi həbs edildi