“Bu səfər Azərbaycan tarixində qalacaq“
21:17 01 Sentyabr 2015
Qafqaz Müsəlmanları İdarəsinin sədri şeyxülislam Allahşükür Paşazadə Azərbaycanda səfərdə olan İran İslam Respublikasının tanınmış din xadimi, mərceyi-təqlid alimi, ayətullahül-üzma Şeyx Hüseyn Nuri Həmədani ilə görüşüb.
Femida.az xəbər verir ki, QMİ sədri bildirib ki, bir müctəhidin Azərbaycana gəlişi tarixdə ölkəyə nəsib olmayan bir nemətdir:
"Hələ Azərbaycan torpağına ayətullah-üzma, müctəhid gəlməyib. Sovet dövründə biz onları oğrun-oğrun öyrənərdik. Amma bir müctəhid bizim dövrümüzdə gəlsin, bizləri ziyarət etsin, olmamışıdı. Bu gün bizə böyük nemət qismət olub. Müstəqillikdən sonra ilk dəfədir ki, Azərbaycana müctəhid, ayətullah-üzma gəlib. 92 yaşı olmasına baxmayaraq, böyük əziyyət çəkərək Azərbaycana gəlib. Bu səfər Azərbaycan tarixində qalacaq".
Şeyx Həmədani haqqında qısa məlumat verən QMİ sədrinin sözlərinə görə, o, İranda Xomeynidən sonra şahın hakimiyyətdən getməsində xidməti olan şəxslərdən biridir. Şeyx Həmədani vətənindən dəfələrlə uzaqlaşdırılıb, amma əqidəsindən əl çəkməyib:
"O, birinci müctəhiddir ki, Azərbaycanda Qarabağ şəhidlərinin ruhuna, Qarabağ torpaqlarının azad olunması üçün dualar edib".
A.Paşazadə İranın ali rəhbəri Seyid Əli Xamneyini Azərbaycana dəvət edib:
"Seyid Əli Xamneyini görmək mənim və biz dindarların arzusudur və bu arzu ilə onu bura dəvət edirik. Nuri Həmədanidən xahiş edirəm mənim bu arzumu Seyid Əli Xamneyiyə çatdırsın".
Oxunub: 821
Oxşar xəbərlər
- “Bu yolun sonunda ölüm də olsa, hazırıq” - Bərzani
- “Bu, Ermənistanın iyrənc yalanıdır“ - Müdafiə Nazirliyi
- “Bu qanlı cinayət erməni vəhşiliyinin növbəti təzahürüdür” - İlham Əliyev
- “Büdcə xərcləri 100 faiz icra edilməlidir” - Prezident
- “Bu, Azərbaycana 500-600 milyon dollar gəlir gətirəcək” - Nazarbayev
- “Bu, pul seçkisi idi” - Ermənistan müxalifətçisi
- “Bütün işlərə səbrlə yanaşmalıyıq“ - Papadan Qarabağ açıqlaması
- “Bürclər dəyişməyib” – Astroloqdan açıqlama
- “Bunun cəriməsi 150 manat yox, cəmi 50 manatdır“
- “Bu qərardan müvafiq instansiyalara şikayət edəcəyik” - Mirşahin Ağayev