Qəzaya düşən pambıqçılar evə buraxıldı
14:11 28 Oktyabr 2017
Yaralılarda həyatı təhlükəli xəsarətlər aşkar edilməyib.
Goranboyda çaya düşən avtobusda xəsarət alaraq xəstəxanaya yerləşdirilən yaralıların hamısı evə buraxılıb. Femida.az xəbər verir ki, bu barədə Goranboy rayon Mərkəzi Xəstəxanasının baş həkimi Rüstəm Budaqov məlumat verib.
Baş həkim bildirib ki, müayinə zamanı yaralılarda həyatı təhlükəli xəsarətlər aşkar edilməyib: "Axşam hamısını müayinə etdik, vəziyyəti ağır olan olmadığı üçün hamısını ambulator müayinəyə yazdıq. Hazırda həmin şəxslərin hamısı ev şəraitində müalicə olunur".
R.Budaqov bildirib ki, hadisə nəticəsində Gəncə şəhər Mərkəzi Xəstəxanasına yerləşdirilən 2 nəfərdən birinin vəziyyəti normal olduğundan evə buraxılıb.
Qeyd edək ki, oktyabrın 27-də axşam saatlarında Goranboy rayonunda fəhlələri pambıq sahəsindən gətirən avtobus rayonun Dəliməmmədli kəndində körpüdən çaya aşıb.
Səhiyyə Nazirliyinin mətbuat xidmətindən bildiriblər ki, hadisə zamanı 25 nəfər xəsarət alıb. Onlardan ikisi Gəncə şəhər Mərkəzi Xəstəxanasına, 23 nəfər isə Goranboy Rayon Mərkəzi Xəstəxanasına yerləşdirilib.
Oxunub: 964
Oxşar xəbərlər
- Qəzaya düşən hərbçimiz dünyasını dəyişdi
- Qəzaya düşən ailənin daha bir üzvü xəstəxanada öldü
- Qəzaya düşən polislərdən biri öldü
- Qəzaya düşən məktəblilərdən SON XƏBƏR
- Qəzaya düşən azyaşlı qız öldü
- Qəzaya düşən qarmon ifaçısı öldü - VİDEO
- Qəzaya düşən vəzifəli şəxslərlə bağlı - Rəsmi açıqlama
- Qəzaya düşənlərin tibbi xərclərini kim ödəyir? – Hüquqi cavab
- Qəzaya uğrayan təyyarədə erməni izi
- Qəzaya uğrayan təyyarənin qara qutusu tapıldı