Şahin Sultanovun şikayəti təmin olunmayıb
23:50 01 Noyabr 2017
Bakı Apellyasiya Məhkəməsində Müdafiə Nazirliyi Hərbi Dəniz Qüvvələrinin sabiq komandanı, vitse-admiral Şahin Sultanov və digərlərinin apellyasiya şikayəti və prokurorun protesti əsasında məhkəmə prosesi davam etdirilib.
Elşad Şamayevin sədrliyi ilə keçirilən prosesdə Şahin Sultanovun vəkilləri Emil Bədəlov və Telman Abdiyev çıxış edib. Onlar hökmün ləğvini və bəraət hökmünün çıxarılmasını istəyiblər.
Şahin Sultanov isə çıxışında deyib ki, hökmün heç bir əsası yoxdur, ittihamlar saxtadır: "Mən qırx il hərbiçi işləmişəm, hər il orden və medallarla təltif edilmişəm. Surət Hüseynovun qiyamının yatırılmasında iştirak etmişəm. Hər il yoxlama aparılıb və hər şey qaydasında olub. Lakin birdən dedilər ki, hər şeyi satmışıq".
Qeyd edək ki, Bakı Hərbi Məhkəməsinin hökmü ilə Şahin Sultanov 8 il 6 ay müddətinə azadlıqdan məhrum edilib. Onun cəzası 3 il sınaq müddəti olmaqla şərti hesab olunub. Ş. Sultanov apellyasiya şikayətində barəsində bəraət hökmünün çıxarılmasını istəyib.
Digər təqsirləndirilənlər Qalib Hacıyev 2 il sınaq müddəti təyin edilməklə 5 il şərti cəzaya məhkum edilib. Həbsdə olan Kazım Əsgərova da şərti cəza verilib. O, məhkəmə zalından azadlığa buraxılıb. Kamandar Paşayev, Vüqar Hacıyev, Əziz Xıdırov da şərti cəzaya məhkum edilərək, həbsdən azad ediliblər.
Ş. Sultanov Cinayət Məcəlləsinin 313-cü (vəzifə saxtakarlığı) və 179.3.2-ci (mənimsəmə - külli miqdarda törədildikdə) maddələri ilə təqsirləndirilib.
Femida.az
Oxunub: 910
Oxşar xəbərlər
- Şahin Diniyevin istefası qəbul edildi
- Şahin Diniyev istefa verdi
- Şahin Mustafayev Monteneqronun XİN rəhbəri ilə görüşdü
- Şahin Mustafayevlə görüş var
- Şahin Mustafayev Rusiyanın iddialarını yalanladı
- Şahin Mustafayev Vladimir Vladimirov ilə görüşüb
- Şahin Mustafayev Çinə gedir
- Şahin Sultanova hökm oxundu
- Şahin Mustafayev Poroşenko ilə görüşüb
- Şahin Sultanovun məhkəməsi olacaq