Polislərin ölümü ilə bağlı cinayət işi açıldı
18:35 10 Noyabr 2017
Bakıda polis əməkdaşları qəzaya düşüb.
Xəzər rayon Polis İdarəsindən verilən məlumata görə, hadisə bu gün saat 07.30 radələrində paytaxtın Xəzər rayonu ərazisində, Buzovna-Bilgəh yolunda qeydə alınıb.
Daxili İşlər Nazirliyinin Əlahiddə Çevik Polis Alayına məxsus, polis nəfəri, 1982-ci il təvəllüdlü Qoşqar Salman oğlu Kərimovun idarə etdiyi “Fiat Doblo” markalı, 90 AP 232 dövlət nömrə nişanlı avtomobil yol kənarındakı hasara çırpılıb.
Nəticədə sürücü və maşında olan polis nəfəri, 1987-ci il təvəllüdlü Elnur Eldar oğlu Məsimov ölüb.
Avtomobildə olan daha bir polis nəfəri, 1985-ci il təvəllüdlü Kamal Aftandil oğlu Vəliyev xəsarətlə xəstəxanaya yerləşdirilib.
Faktla bağlı Xəzər rayon Polis İdarəsinin istintaq bölməsində Cinayət Məcəlləsinin 263.3-cü (yol hərəkəti qaydalarını pozma - ehtiyatsızlıqdan iki və daha artıq şəxsin ölümünə səbəb olduqda) maddəsi ilə cinayət işi başlanıb, istintaq gedir.
Qeyd edək ki, qəza barədə xəbəri ilk olaraq lent.az yayıb.
Femida.az
Oxunub: 1929
Oxşar xəbərlər
- Polislərin düşdüyü qəzanın görüntüləri - VİDEO
- Polislərin adından istifadə edən dələduza 8 il həbs
- Polislərin düşdüyü qəza ilə bağlı RƏSMİ AÇIQLAMA
- Polislərin pensiya yaşı 5 il artırıla bilər
- Polislərin maaşı artırıla bilər
- Polislərin döyülməsi xəbərinə DİN-dən reaksiya
- Polislərin fəaliyyəti təkmilləşdirilir - Seçkilərlə bağlı
- Polislərin dilənçi əməliyyatı