Səhiyyə Nazirliyindən qriplə bağlı – AÇIQLAMA
15:37 23 Noyabr 2017
Ötən ilin müvafiq dövrü ilə müqayisədə bu il Azərbaycanda kəskin respirator virus infeksiyalarına yoluxma səviyyəsi 11 faizədək azalıb.
Femida.az xəbər verir ki, bunu Trend-ə Səhiyyə Nazirliyi Respublika Gigiyena və Epidemiologiya Mərkəzinin (RGEM) direktor müavini Afaq Əliyeva deyib. Onun sözlərinə görə, laborator müayinələr zamanı builki payız-qış mövsümü ərzində Azərbaycanda qripə yoluxma faktının olduğu təsdiqlənməyib.
A.Əliyeva qeyd edib ki, indiyədək 45 xəstədən laborator analizlər üçün müayinə materialı götürülüb: “Builki mövsümdə ağır xəstələr olmayıb, tək-tək hallarda laborator müayinələr götürülüb. Müayinələr Respublika Taun Əleyhinə Stansiyada aparılır. Ötən il qrip virusuna yoluxma var idi. Amma builki payız-qış mövsümündə qrip virusları aşkar olunmayıb. Azərbaycanda hələlik qrip virusları sirkulyasiya etmir”.
Qeyd edək ki, Rusiyanın bəzi regionlarında kəskin respirator virus infeksiyalarına yoluxma ilə bağlı vəziyyət təhlükəli həddə yaxınlaşır. Bununla əlaqədar olaraq ölkədə qrip əleyhinə kütləvi peyvəndləmə işlərinə start verilib.
Son göstəriciyə görə, Rusiyada təxminən 64,3 milyon insan artıq qripə qarşı peyvənd edilib ki, bu da ümumi əhalinin 44,5 faizi deməkdir.
Femida.az
Oxunub: 1282
Oxşar xəbərlər
- Səhiyyə Nazirliyinin strukturu dəyişdi
- Səhiyyə Nazirliyində kollegiya iclası keçirildi
- Səhiyyə Nazirliyi ilə Gömrük Komitəsi üz-üzə: Dərman qalmaqalı böyüyür
- Səhiyyə naziri istefa verdi - ABŞ-da
- Səhiyyə naziri vətəndaşları qəbul edib
- Səhiyyə naziri əmr imzaladı
- Səhiyyədən şikayət edənlərin sayı azalıb
- Səhiyyə Nazirliyi: 192 saxta diplom aşkarlanıb
- Səhiyyə komitəsi ilk iclasını keçirdi
- Səhiyyə müəssisələri də özəlləşdiriləcək