Yol polisi işləmək istəyirsiz? - Müsabiqə
16:08 23 Noyabr 2017
Bakı şəhər Dövlət Yol Polisi İdarəsi yol patrul xidməti inspektoru vəzifələrində xidmətə qəbulla əlaqədar müsabiqə elan edib.
Baş Dövlət Yol Polisi İdarəsindən Femida.az-a verilən məlumata görə, müsabiqədə avtomobil nəqliyyatına aid orta-ixtisas və ya ali təhsilli, kompüterlə işləmək bacarığı, sürücülük vəsiqəsi olan, habelə sürücü kimi 3 il əmək stajına malik, yaşı 20-dən aşağı, 25-dən yuxarı olmayan, boyu 180 santimetr və daha yüksək, idman cüssəli, həqiqi-hərbi xidməti tam başa vurmuş, özü və yaxın qohumu məhkum olunmamış, yalnız Bakı şəhərində yaşayış yeri üzrə qeydiyyatda olan vətəndaşlar iştirak edə bilərlər.
Həmçinin müsabiqə iştirakçılarının sağlamlıq vəziyyəti, biliyi, fiziki hazırlıq səviyyəsi, yol hərəkəti qaydaları üzrə nəzəri bilikləri və sürücülük vərdişləri müəyyən olunmuş qaydada yoxlanılacaq, xarici dil bilən və dövlət təhsil müəssisələrində ali təhsil almış namizədlərə üstünlük veriləcək.
Müsabiqədə iştirak etmək istəyən şəxslər 2017-ci ilin dekabr ayının 10-dək hər gün (istirahət günləri istisna olmaqla) saat 10:00-dan 17:00-dək BPİ-nin Dövlət Yol Polisi İdarəsinin inzibati binasında (Bakı şəhəri, Badamdar qəsəbəsi, M.Müşfiq küçəsi, kənar dairəvi yolun kəsişməsi) müraciət edərək aşağıdakı sənədləri təqdim etməlidirlər:
- Şəxsiyyət vəsiqəsi
- Təhsil haqqında sənədin əsli
- Hərbi bilet (kişilər üçün)
- əmək kitabçası (olanlar üçün)
- sürücülük vəsiqəsi
- kompyuterdə işləmək bacarığını təsdiq edən sənəd (sertifikat və s.)
Əlavə məlumat üçün əlaqə telefonları: (012) 590 21 65, (012) 590 21 66
Femida.az
Oxunub: 1690
Oxşar xəbərlər
- Yol polisi piyadanı öldürərək qaçıb? - AÇIQLAMA
- Yolu keçən piyadanı maşın vurub öldürdü
- Yoldan keçən həkim bıçaqlanan kişinin həyatını xilas etdi - Bayılda
- Yol polisindən bayramla əlaqədar sürücülərə xəbərdarlıq
- Yolu keçən uşaq ölümdən son anda xilas oldu - VİDEO
- Yol qəzası törədən sürücü edam edilib
- Yolu keçmək istəyirdi, təkərlər altında qaldı
- Yollar buz bağlayacaq
- Yol Polisi Bakıdakı insidentlə məlumat yaydı
- Yol qəzalarında xəstəxanalıq olanların STATİSTİKASI