Roma Papası arakanlı müsəlmanlardan üzr istədi
20:20 02 Dekabr 2017
Katolik Kilsəsi lideri və Vatikan şəhər dövləti başçısı Roma Papası Françesko Banqladeşə səfərində Myanmadan qaçmaq məcburiyyətində qalan bir qrup arakanlı müsəlmanla görüşüb.
Myanmanın sonra Banqladeşə gedən Roma Papası Françesko Dəkkədə "Sülh Üçün Dinlərarası və Ümumdünya Görüşü" başlıqlı bir tədbirə qatılıb. Banqladeşdəki xristian, müsəlman, hindu və buddist icmaların nümayəndələrinin iştirak etdiyi tədbirdə dini liderlər çıxış edib. Mərasimdən sonra 16 arakanlı qaçqın səhnəyə çıxaraq, Papa ilə görüşüb. 12 kişi, 2 qadın və 2 uşaqdan ibarət olan arakanlı müsəlmanlar tərcüməçi vasitəsilə Papayla söhbət edib.
Papa Françesko arakanlı müsəlmanlara, "Sizin yanınızdayıq. Vəziyyətiniz çox çətindir. Sizi incidən hər kəsin adından, dünyanın laqeydliyinə görə əfv diləyirəm", - deyə səslənib.
Papa daha əvvəl də arakanlı müsəlmanların vəziyyətini dəfələrlə gündəmə gətirmiş və "qardaşlarımız" dediyi bu qrupun yaşadıqlarının özünü ağladığını demişdi. Ancaq Banqladeşdən əvvəl getdiyi Myanma səfəri zamanı Papaya bu ölkə rəhbərliyinin qarşı çıxdığı "arakanlılar" terminini istifadə etməməsi tövsiyə edilmiş, o da buna riyət etmişdi.
Femida.az
Oxunub: 780
Oxşar xəbərlər
- Romada Dünya Azərbaycanlılarının Həmrəyliyi Günü qeyd edilib
- Roma Papasına `Lamborghini` hədiyyə edildi
- Romada içməli su böhranı yaşana bilər
- Roma papası Sudana 500 min dollar göndərdi
- Romada məktəblər bağlanır
- Roma Papası Şəhidlər Xiyabanını ziyarət edib
- Roma Papası Bakıdadır - Fotolar
- Roma Papası azərbaycanlıya məktub göndərdi - FOTO
- Roma Papası huşunu itirdi - VİDEO
- Roma Papasının Bakı səfərinin vaxtı bilindi