Vəkil olmaq istəyənlərin nəzərinə!


13:13     13 Dekabr 2017 avukat-muvekkil-ihtilaf-6502-tkhk-gorevli-mahkeme.png

Vəkillər Kollegiyasının Rəyasət Heyəti "Vəkillər və vəkillik fəaliyyəti haqqında" Qanununun tələbinə uyğun olaraq Vəkillər Kollegiyasına qəbul olunmaq arzusunda olan şəxslərin sənədlərinin qəbulu bərpa edib.


Femida.az xəbər verir ki, qurumun yaydığı elana görə, həmçinin qurumun üzvlüyünə qəbul olunmaq üçün 2016-cı ildə sənədlərini vermiş şəxslərin ərizələrini komissiyada təsdiq etdirmələri zəruridir.

Sənədlər VK-nın binasında – Səməd Vurğun küçəsi 48 ünvanında dekabrın 11-dən 2018-ci il yanvarın 11-dək qəbul edilir.

Qanunvericiliklə müəyyən olunmuş tələblərə cavab verən şəxslər kollegiyaya aşağıdakı sənədləri təqdim etməlidir:

- VK-nın Rəyasət Heyəti tərəfindən müəyyən edilmiş ərrizə forması

- Şəxsiyyət vəsiqəsinin notarial qaydada təsdiq edilmiş surəti

- Ali hüquq təhsili barədə diplomun notarial qaydada təsdiq olunmuş surəti

- Əmək kitabçasının tədiq olunmuş surəti

- Əqli cəhətdən sağlamlıq haqqında tibbi arayış

- 3*4 sm 4*6 sm ölçüdə 4 ədəd rəngli şəkil

- Kadrların şəxsi məlumat vərəqəsi

- Tərcümeyi-hal

Femida.az

Açar sözlər:

Oxunub: 3556