Özünü yandıran meyxanaçıyla bağlı ilginc faktlar - YENİLƏNİB


21:24     22 Dekabr 2017 meyxanaci%20intihar.jpg

Bu gün səhər saatlarında Neftçala rayonunda intihar hadisəsi baş verib.


Femida.az xəbər verir ki, Bankə qəsəbəsinin sakini – el arasında meyxanaçı Şaban kimi tanınan 32 yaşlı Bayramov Şaban Fizulu oğlu özünü yandıraraq intihar edib.

Femida.az-a daxil olan məlumata görə, Şaban Azərbaycan toylarında meyxana deyən tanınmış şəxslərdən olub.Təxminən 5 il əvvəl psixoloji problemlər yaşadığına görə, el məclislərindən uzaqlaşıb.Bir müddət əsəb dispanserində müalicə aldıqdan sonra evlərinə qayıdıb. Yaxınlarının saytımıza verdiyi məlumata görə, Şaban 3 il əvvəl evdən qaçıb.Onu televiziya verilişlərinin birinin vasitəsi ilə tapıblar.Son günlər isə ciddi problemləri olub.Bu səbəbdən də, ailəsi də dağılıb. Bir övladı var.

Faktla bağlı araşdırmalara başlanılıb.







YENİLƏNİB***

Bu gün özünü yandıran tanınmış meyxanaçı Şaban Neftçalalının (Hüseynov Şaban Gülmirzə oğlu) 3 il əvvəl evdən qaçdığı ortaya çıxıb. Elə həmin il ailəsi, xanımı ATV kanalında yayımlanan “Öz aramızda” verilişinə müraciət edib. Proqramın komandası axtarışda olan şəxsi 1 nömrəli Respublika Psixiatriya Xəstəxanasında taparaq ailəsi ilə qovuşdurub.

“Qafqazinfo”nun əldə etdiyi görüntülərdə Şaban Hüseynov hər kəsi təəccübləndirən açıqlama verib. O, İsa peyğəmbər olduğunu deyərək küçədə yarıçılpaq gəzib.Həmin sujetdə meyxanaçı özü də danışıb:

“11 gündür ki, evdən çıxmışam. Həyat yoldaşı, ata kimi işə yaramadığıma görə evdən çıxdım. Məndə belə bir şey daha əvvəl olmuşdu, indi sakitləşmişəm. Uşağım üçün darıxmışam. Qızım Aişənin 3 yaşı var. Küçəyə çıxdım, bir-iki möcüzələrlə rastlaşdım. Getdim o möcüzələrin arxasıyla…Heç kim mənə inanmadı. İsa peyğəmbərəm dedim, əlimə hasa götürdüm.

Ayaqyalın lüt bədənlə düşdüm şəhərin canına. Deyirdim ki, İsa gəlib İsa, əlimdə bir hasa! Söyməyə başladım. Polislər yaxınlaşdı, dedilər ki, İsa, səni tanıyıram. Məni bu xəstəxanaya gətirdilər. İndi özümü yaxşı hiss edirəm. Anama demək istəyirəm ki, kaş məni dünyaya gətirməyərdi. Anam, ölmək istəyirəm”.

Daha sonra çəkiliş heyəti 1 nömrəli Respublika Psixiatriya Xəstəxanasında Şabanı ailəsi görüşdürüb.








Mircəlal Məcidli
Femida.az


Açar sözlər:

Oxunub: 11622