İşdən çıxmaq üçün yazılan ərizə geri götürülə bilərmi? - CAVAB
02:25 23 Dekabr 2017
Femida.az vətəndaşlara hüquqi yardım layihəsini davam etdirir.
İşçi işdən çıxmaq istəyi ilə bağlı ərizəni geri götürə bilərmi?
- Əmək müqaviləsini ləğv etmək barədə ərizə vermiş işçi xəbərdarlıq müddəti bitənədək istədiyi vaxt ərizəsini geri götürə və ya onu etibarsız hesab etmək barədə işəgötürənə yeni ərizə verə bilər. Bu halda əmək müqaviləsi ləğv edilə bilməz.
Xəbərdarlıq müddəti nədir?
Işçi 1 təqvim ayı qabaqcadan işəgötürəni yazılı ərizəsi ilə xəbərdar etməklə əmək müqaviləsini ləğv edə bilər. Ərizə verildiyi gündən bir təqvim ayı bitdikdən sonra işçi işə çıxmamaq və son haqq-hesabının aparılmasını tələb etmək hüququna malikdir. Bu halda işəgötürən işçinin tələblərini yerinə yetirməyə borcludur. Əgər işçi ərizəsində əmək münasibətlərini dayandırmaq istədiyi günü göstərməyibsə, xəbərdarlıq müddəti bitənədək bu maddə ilə müəyyən edilmiş əsasla əmək müqaviləsinin ləğv edilməsinə yol verilmir.
Əgər işçi məzuniyyət hüququndan istifadə etməklə məzuniyyət müddətinin qurtardığı gündən əmək müqaviləsinin ləğv edilməsi xahişi ilə işəgötürənə ərizə veribsə, o məzuniyyət müddəti bitənədək əmək müqaviləsinin ləğv edilməsi barədə ərizəsini geri götürə və ya onu etibarsız hesab etmək barədə işəgötürənə yazılı müraciət edə bilər. Bu halda işçinin xahişi təmin edilməlidir.
Qeyd etmək laızmdır ki, işəgötürən həmin vəzifəyə (peşəyə) yeni işçinin götürülməsi barədə işçiyə rəsmi qaydada yazılı xəbərdarlıq etmədikdə, işçinin ərizəsi qəbul edilir. Əmək müqaviləsi qaydalara əməl olunmaqla ləğv edildikdən sonra işçinin əvvəlki ərizəsini geri götürmək və ya onu etibarsız hesab etmək barədə edilən müraciətin hüquqi qüvvəsi yoxdur.
Femida.az
Oxunub: 8456
Oxşar xəbərlər
- İşdən çıxarılan nazirin bacısının yerinə təyinat oldu
- İşdən çıxarılan nazir:`Səhhətimdə problem var`
- İşdən çıxarılan qadın `AzinTelekom`u məhkəməyə verdi
- İşdən çıxarılan qadın intihara cəhd etdi
- İşdən çıxarılan nazirin yerinə qardaşı gətirildi
- İşdən çıxan mətbuat katibi Ağ Evdəki soyuducunu oğurladı
- İşdən çıxan general belə yola salındı - FOTO
- İşdən çıxarılan general danışdı: `Həbsxanaya özüm getməyəcəm`
- İşdən qovulan generalın oğlu niyə həbs olunub? - Rəsmi açıqlama
- İşdən çıxarılma qaydaları dəyişir