İlham Əliyev: “Hərbi gücümüzü də artırırıq”
01:37 11 Yanvar 2018
"Biz hərbi gücümüzü də artırırıq. Bu gün beynəlxalq reytinqlərə görə, Azərbaycan Ordusu dünya miqyasında güclü ordular sırasındadır. Ordumuz üçün nə lazımdırsa biz onu da edirik"
Femida.az xəbər verir ki, bu fikirləri Prezident İlham Əliyev Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında söyləyib.
Ali Baş Komandan bildirib ki, Ordumuzun maddi-texniki bazası möhkəmlənir. Hərbi bazalar, şəhərciklər, hərbi hissələr yenidən qurulur, əsaslı təmir edilir: "Bizim hərbi şəhərciklərimizin, bazalarımızın, hissələrimizin 80 faizi artıq beynəlxalq standartlara cavab verir. Təmirə ehtiyacı olan qalan hərbi hissələrin təmir işləri növbəti illərdə yekunlaşmalıdır. Nə qədər lazımdırsa vəsait ayrılır və ayrılacaq. O cümlədən yeni müasir silahların alınması üçün lazım olan vəsait ayrılır".
Dövlətimizin başçısı qeyd edib ki, yoxsul Ermənistandan fərqli olaraq, biz öz hesabımıza yaşayırıq, o cümlədən hərbi gücümüzü öz hesabımıza artırırıq. Ermənistandan fərqli olaraq heç kimdən dilənmirik, heç kimə yalvarmırıq, kredit üçün müraciət etmirik. Ona görə Azərbaycan ictimaiyyəti və düşmən bilməlidir ki, Azərbaycan Ordusu bundan sonra da güclənəcək və istənilən tapşırığı yerinə yetirməyə hazırdır. Yaxın tarix bunu göstərib.
Femida.az
Oxunub: 668
Oxşar xəbərlər
- Femida.az saytının əməkdaşı koronavirusdan vəfat edib
- Dövlət Komitəsi "Femida.az"-ın əməkdaşını mükafatlandırdı
- Femida.az-ın əməkdaşı təltif olundu
- Mehriban Əliyevanın ev verdiyi şəhidin xanımı Femida.az-a təşəkkür etdi - VİDEO
- Müasir standartlara cavab verən 1 yaşlı “Bona Dea” - Fotolar+Video
- Nazirlik Femida.az-ın yazısına dərhal reaksiya verdi: Köməksiz şəxs sığınacağa aparıldı (FOTOLAR)
- Tarixin ən qorxunc savaşçıları: Ölsələr də, sayları heç vaxt azalmayan ordu...+VİDEO
- Dünyanın aparıcı media orqanları Çinə toplaşdı - Azərbaycanı Femida.az təmsil edir
- "Bakmil"ə gedənlərin nəzərinə
- Gəncədə baş verənlərdən şəhərin axundu danışır - VİDEO