Bu vətəndaşlar da ipoteka ala biləcək

11:15     13 Yanvar 2018 ipoteka2.jpg

Şəxsi yığımları az olan əhaliyə daha aşağı ilkin ödəniş məbləği ilə ipoteka krediti vasitəsilə yaşayış sahəsi almağa şəraitin yaradılmasının təmin edilməsi məqsədilə zəmanət mexanizminin tətbiqi ilə bağlı işlər yekunlaşıb.



Femida.az “İpoteka və Kredit Zəmanət Fondu” ASC-nin 2017-ci ildə fəaliyyəti ilə bağlı hesabatına istinadən xəbərə verir ki, Dünya Bankı ilə imzalanmış birgə əməkdaşlığa dair saziş çərçivəsində zəmanətlərin verilməsi üzrə müvafiq qaydaların layihəsi hazırlanıb.

O cümlədən risklərin idarə edilməsi üzrə baza modeli və müvafiq mexanizm formalaşdırılıb. İpoteka kreditləri üzrə zəmanət mexanizminin 2018-ci ilin ilk rübündə tətbiqinə başlanılması nəzərdə tutulur.

Zəmanət mexanizminin tətbiqi ipoteka kreditlərinin verilməsi prosesinin sürətləndirilməsi və sadələşdirilməsinə, habelə maliyyə risklərinin optimal idarə olunmasına zəmin yaradacaq.

Femida.az

Açar sözlər: İpoteka   Femida.az    

Oxunub: 2347