"Geyilməmiş ayaqqabılar” filminin nümayişi keçirilib - FOTOLAR
14:32 17 Yanvar 2018
Nizami Kino Mərkəzində Mədəniyyət və Turizm Nazirliyinin təşkilatçılığı ilə rejissor Rza Rzayevin “Geyilməmiş ayaqqabılar” bədii filminin təqdimatı keçirilib.
Femida.az xəbər verir ki, film aprel şəhidlərinin xatirəsinə həsr olunub.
Qarabağ mövzusunda çəkilmiş filmin ssenari müəllifi və baş prodüseri Rza Rzayev, quruluşçu operatoru Elman Əliyev, quruluşçu rəssamı Məhərrəm Əliyev, bəstəkarı Vyaçeslav Şulin, prodüseri Mahir Canasdır.
Filmin rejissoru çıxışı zamanı onu da qeyd etdi ki, filmin böyük auditoriyaya təqdim edilməsində jurnalist Günay Ardanın media vasitəsi ilə Mədəniyyət və Turizm naziri Əbülfəs Qarayevə açıq məktubu böyük rol oynayıb. Yazıdan qısa müddət sonra Nazirlik filmin təqdimatını öz üzərinə götürüb.
Qeyid edək ki, filmdə rolları Gülzar Qurbanova, Bəhruz Vaqifoğlu, Dəniz Həsənov və başqaları ifa ediblər.
Ekran işində yurd-yuvasından didərgin düşən və tələbə yataqxanalarında məskunlaşan məcburi köçkünlərin gərgin, psixoloji yaşamı təsvir olunur. Gənc ərini və körpə qızını itirən ana oğlu Həsrətlə təmirsiz bir otaqda yaşayır. Şəhid ərinin xəyalı və öz ata-baba yurdlarına dönəcəyi vaxtın intizarı ilə günləri sayır. Dərin sükutla oğluna baxır.
Filmin sonunda ana əlil arabasında iki ayağını itirmiş əsgərlə Xankəndində “Geyilməmiş ayaqqabılar” muzeyinin qarşısına gəlir. Bir cüt ayaqqabını muzeyə verir.
Fotolar: Emin Bağırov
Femida.az
Oxunub: 3557
Oxşar xəbərlər
- "Şuşa" sənədli filminin təqdimatı keçirilib
- “Şuşa, sən azadsan!” sənədli filminin təqdimatı olub
- “Şuşaya girəndə özümü çox xoşbəxt hiss etdim" - “Şuşa, sən azadsan!” sənədli filmi
- Şəhid Sübhan Cəbrayılov haqqında filmin təqdimatı keçirilib
- Balduin filmin çəkilişləri zamanı həlak olan operatorun vida mərasimində iştirak edib
- "Polis akademiyası" filminin məşhur aktyoru Artur Metrano vəfat edib
- "Azərbaycanfilm" "Azərsu" ASC-ni məhkəməyə verib
- Ölkəmizin hava məkanı etibarlı müdafiə olunur - Sənədli FİLM
- Müdafiə Nazirliyi Naxçıvandakı hərbi aerodrom kompleksi ilə bağlı sənədli film hazırlayıb
- “Haber Global” AXC-nin 103 illiyi münasibətilə sənədli film hazırladı