Təhsillə bağlı yeni qanun layihəsi müzakirəyə çıxarılır
17:22 17 Yanvar 2018
Milli Məclisin Elm və təhsil komitəsi yaz sessiyasında “Peşə təhsili haqqında” qanun layihəsini müzakirəyə çıxaracaq. Artıq komitə, İşçi qrupu və Təhsil Nazirliyi yanında Peşə Təhsili üzrə Dövlət Agentliyi ilə birlikdə qanun layihəsi üzərində iş tam başa çatıb.
Bu barədə Femida.az-a Milli Məclisin Elm və təhsil komitəsinin sədri İsa Həbibbəyli bildirib. Onun sözlərinə görə, qanun layihəsi bir neçə dəfə beynəlxalq ekspertlər və işçi qrupunun iştirakı ilə müzakirə olunub.
“Qanun layihəsinə komitədə baxılaraq plenar iclasa tövsiyyə olunub. Yəqin ki, ilk iclasların birində “Peşə təhsili haqqında” qanun layihəsi müzakirəyə çıxarılacaq. Qanun layihəsində peşə təhsilində dövlət, özəl sektor, bələdiyyə peşə məktəblərinin fəaliyyət göstərməsi müəyyən olunur. Bunun hər birinin funksiyaları aydınlaşdırılır. İlk, texniki və yüksək peşə təhsili kimi pillələr müəyyən olunub. Qanun layihəsində bunların təhsil müddətləri, fəaliyyət istiqamətləri, bu istiqamətdə beynəlxalq əməkdaşlıq, lisenziyalaşmaya dair çoxsaylı məsələlər öz əksini tapıb”.
İ.Həbibbəyli, həmçinin bildirib ki, Elm və təhsil komitəsi 2018-ci ildə “Ümumtəhsil orta məktəbi haqqında” qanun layihəsini gündəmə gətirməyi qərarlaşdırıb.
Komitə sədri bəyan edib ki, “Peşə təhsili haqqında” qanun layihəsinin plenar iclasda birinci müzakirəsi keçirildikdən sonra ümumtəhsil məktəbi haqqında qanun layihəsinin hazırlanması üçün İşçi qrupu formalaşdırılacaq. Hazırda bu istiqamətdə işlər aparılır”.
Femida.az
Oxunub: 835
Oxşar xəbərlər
- Elm və təhsil naziri: "İnstitutlarda çalışan alimlərin ixtisarından söhbət getmir"
- Biləsuvar Təhsil Kompleksinə yeni rəhbər təyin olunub
- Təhsil naziri uşaq bağçalarındakı vəziyyəti açıqlayıb
- Nazir regional təhsil idarələrinə yeni rəhbərlər təyin edib
- Sağlamlıq imkanları məhdud şəxslər sağlam şəxslərlə birgə təhsil alacaq
- Nazirlik rayon təhsil şöbələrinin gələcək fəaliyyətinə aydınlıq gətirib
- Xaricdə doktorantura təhsilinə dair sənəd qəbulunun müddəti uzadılıb
- Nazirlik xaricdə təhsil alan həkimlərin aksiyasına münasibət bildirib
- Təhsil naziri: "Bu il onlayn qaydada bağçalara işə qəbul keçiriləcək"
- Prezident xaricdə təhsillə bağlı Dövlət Proqramını təsdiq etdi SƏRƏNCAM