Prezident Səudiyyə Ərəbistanının energetika naziri ilə görüşüb
02:32 24 Yanvar 2018
Prezidenti İlham Əliyevin Davosda Səudiyyə Ərəbistanının energetika, sənaye və təbii sərvətlər naziri Xəlid Əl Falih ilə görüşü olub.
Femida.az-ın xəbərinə görə, Xəlid Əl Falih Səudiyyə Ərəbistanının kralı Salman bin Əbdüləziz Al Səudun salamlarını və rəğbət hissini dövlət başçısına çatdırıb. O, kralın Azərbaycan prezidentinin bu yaxınlarda ona göndərdiyi məktubdan böyük məmnunluq hissi keçirdiyini bildirib.
Prezident İlham Əliyev məktubunda krala və Səudiyyə Ərəbistanına dərin hörmətini ifadə etdiyini, ölkələrimiz arasında tərəfdaşlıq və əməkdaşlığın genişləndirilməsinə hazır olduğunu vurğulayıb. Ölkələrimiz arasında siyasi münasibətlərin yüksək səviyyədə olduğunu deyən dövlət başçısı əməkdaşlığın genişləndirilməsi üçün perspektivlərin, iqtisadi, enerji təhlükəsizliyi və ticarət sahələrində əməkdaşlıq üçün yaxşı imkanların mövcudluğunu bildirib. Söhbət zamanı OPEC çərçivəsində əməkdaşlıqdan və SOCAR və “Saudi Ramko” şirkətləri arasında işbirliyindən danışılıb.
Prezident İlham Əliyev Səudiyyə Ərəbistanının kralı Salman bin Əbdüləziz Al Səudun salamlarına görə təşəkkür edib, onun da salamlarını Səudiyyə Ərəbistanının kralına çatdırmağı xahiş edib.
Femida.az
Oxunub: 484
Oxşar xəbərlər
- Davosda keçirilən “Xəzər Həftəsi” üçün Bakıda nümayəndəlik açılacaq
- İlham Əliyevin Davosda İsveçrənin Montrö şəhərinin meri ilə görüşü olub
- Prezident İlham Əliyev Davosda “Equinor” şirkətinin baş icraçı direktoru ilə görüşüb
- Dövlət Agentliyi Davos Forumunda təmsil olunub - FOTOLAR
- İlham Əliyev Davosda Gürcüstanın Baş Naziri ilə görüşüb
- Azərbaycan və Polşa prezidentləri Davosda görüşüb
- Prezident Davosda “Carlsberg Group”un rəhbəri ilə görüşdü - FOTO
- Prezident Davosda "Rossiya" telekanalına müsahibə verib - FOTO
- Davos Forumunun saytında İlham Əliyevin məqaləsi dərc olunub
- Əliyev-Paşinyan görüşü Davos Forumunun ən mühüm 33 hadisəsi siyahısında