İdmançımız Fransada finala yüksəldi
18:21 27 Yanvar 2018
Karate üzrə Azərbaycan milli komandasının lideri, "Brilyant oğlan" ləqəbli Rafael Ağayev (-75 kq) Fransanın paytaxtı Parisdə Karate 1 Premyer Liqa turnirinin finalına yüksəlib.
Femida.az xəbər verir ki, o, həlledici görüşədək beş rəqibini - Ferat Korbulyikini (Makedoniya), Yuta Morini (Yaponiya), Raif Əltürkistanini (Səudiyyə Ərəbistanı), Ərman Əltemuru (Türkiyə) və Bəhmən Əsgəri Qönçəni (İran) məğlub edib.
Ağayevin iranlı idmançı ilə döyüşü dünənin ən baxımlı qarşılaşmasından biri olub. Hesabda iki dəfə geri düşən Rafael Ağayev qələbəni son saniyələrdə ustalığı nəticəsində qazanıb - 5:4. Azarkeşlər və yarış iştirakçıları onu alqışlarla təbrik ediblər. Dünya şöhrətli karateçimizi finalda yaponiyalı Ken Nişimura ilə daha bir görüş gözləyir.
Milli komandanın digər titullu üzvü Niyazi Əliyev (-67 kq) təsəlliverici görüşlərə qatılsa da, III pillədən kənar qalmalı olub. Bu gün medal uğrunda görüşlərin digər iştirakçıları məlum olacaq. Həlledici döyüşlər sabaha təyin edilib.
Qeyd edək ki, Dünya Karate Federasiyasının (WKF) bu nüfuzlu turnirində 81 ökədən 756 idmançı mübaizə aparır.
Femida.az
Oxunub: 1288
Oxşar xəbərlər
- Məşhur idmançılar Prezidentə müraciət etdi +VİDEO
- İlham Əliyev və Mehriban Əliyeva V İslam Həmrəyliyi Oyunlarında nəticə əldə etmiş idmançılarla görüşüblər
- Azərbaycanda Olimpiya Kompleksində 15 idmançı zəhərlənib
- Gənclər və idman naziri yeni idarə rəisi təyin edib
- Dünyanın 37 ölkəsi Rusiya və Belarusu idmandan uzaqlaşdırmaq istəyir
- Məhkəmə İsmayıllı Olimpiya İdman Kompleksinin sabiq direktoru ilə bağlı qərar çıxarıb
- Gəncədə idman meydançasının yardımçı otağından oğurluq edilib
- Azərbaycanda yeni idman federasiyası yaradılıb
- “Qadağan etsəm də, məktəbə idman paltarı ilə getmişdi” - Şöbədə arvadını öldürən polis
- Zabit Səmədovun nokauta saldığı idmançı koronavirusdan ölüb