Fazil Məmmədov əmlakını satışa çıxardı – Dəyər-dəyməzə...
14:52 29 Yanvar 2018
Sabiq Vergilər naziri Fazil Məmmədov bahalı avtomobillərini satmağa başlayıb.
Femida.az xəbər verir ki, bu barədə ölkə mətbuatında məlumatlar yayılıb.
Keçmiş məmur-oliqarx bu avtomobillərini bazar qiymətindən xeyli ucuz təklif edir. Bunun səbəbi isə adına olan əmlakları təcili sürətdə azaltmaq istəməsidir.
F.Məmmədovun yaxın ətrafından sızdırılan xəbərə görə, keçmiş nazirin bir neçə rayonda malikanəsi olub. Hər malikənsinin qarajında isə bahalı avtomobillər saxlayırmış. Satışa da məhz həmin avtomobillər çıxarılıb. Bu günlərdə keçmiş nazirin Şəmkirdəki evinin qarajında saxlanılan "Land Rover Discovery” maşını satılıb. Məmmədov doğulduğu rayona gedəndə 2011-ci il istehsalı olan ful kompilektasiyalı həmin maşını idarə edirmiş. Avtomobilin 65 000 manata satıldığı bildirilir.
Qeyd olunur ki, avtomobillərin satışı ilə sabiq nazirin bacısı oğlu məşğul olur.
Məlumatlı mənbənin sözlərinə görə, keçmiş nazir təkcə avtomobillərini deyil, bir neçə mülkünü də satışa çıxarıb.
Xatırladaq ki, F.Məmmədov işdən azad olunandan sonra, mətbuatda Vergilər Nazirliyində korrupsiya halların aşkarlanması, buna görə də keçmiş nazirin istintaqa cəlb edilmək ehtimalı barədə xəbərlər yayılıb.
Femida.az
Oxunub: 2046
Oxşar xəbərlər
- Fazil Mustafa harada güllələnib? - ƏRAZİDƏN VİDEO
- Prezident Fazil Ağalarova “general-leytenant” rütbəsi verib
- Nazirlik çətin vəziyyətdə yaşayan daha bir ailəyə yardım etdi
- Fazil Nəcəfov “Şöhrət” ordeni ilə təltif edildi
- "Qadınların 16 faizi analıq məzuniyyəti hüququndan istifadə edir" - Fazil Mustafa
- Fazil Məmmədov xəstəxanaya yerləşdirildi
- "Avropada təmsil olunmaq üçün hüquqşünas tapa bilmirik" - Fazil Mustafa
- "Aeroport və avtovağzala giriş ödənişsiz olmalıdır" - Fazil Mustafa
- "Limit 3000-dən yuxarı çatdırılmalı idi" - Fazil Mustafa
- Prezident Fazil Qurbanovu “Şöhrət” ordeni ilə təltif edib