İctimai nəqliyyatdan kimə şikayət etməli? – Hüquqi yardım
23:58 03 Fevral 2018
İctimai nəqliyyat həyatımızın ayrılmaz hissəsidir. Demək olar ki, hər birimiz metrodan, avtobusdan, taksidən, eləcə də digər nəqliyyat vasitəslərindən mütəmadi istifadə edirik. Hər gün yüzminlərlə insanın daşındığı bu nəqliyyat vasitələrindən hər hansı narazılığın olmaması isə qeyri-mümkündür. Ya təcrübəsiz sürücü, ya sərxoş sərnişin və ya amansız cibgirlər ictimai gediş zamanı bizi narahat edə bilir. Bəs ictimai nəqliyyatda vətəndaş nədənsə narazı olarsa, şikayətini hara bildirməlidir? Buna hansı qurum nəzarət edir?
Femida.az vətəndaşlara hüquqi yardım layihəsi çərçivəsində məsələni araşdırıb. Hüquqşünas Ərşad Hüseynovun sözlərinə görə, ictimai nəqliyyatın növündən və yaranan narazılıqdan asılı olaraq şikayət edilən qurumlar dəyişir:
“Əvvəla baxmaq lazımdır ki, nəqliyyatda vətəndaşın hansı hüquqları pozulub, nədən narzıdır. Elə məsələlər var ki, buna görə Dövlət Yol Polisinə müraciət etmək lazımdır. Hansı ki, bu məsələlər insan həyatı üçün təhlükəli sayılır. Məsələn, sürücü yol hərəkət qaydalarını, sərnişin daşıma qaydalarını pozarsa, bu işə DYP nəzarət edir. Yox əgər, avtobusda gedişlə bağlı narazılıq varsa, bu zaman Bakı Nəqliyyat Agentliyinə müraciət etmək olar. Təbii ki, söhbət paytaxt ərazisində fəaliyyət göstərən avtobuslardan gedir. Məsələn, sürücü dayanacaqda saxlamadısa, oturacaq yoxdursa, kondisioner işləmirsə və s. bu tipli narazılıqlara görə BNA-ya müraciət etmək olar”.
Hüquqşünasın sözlərinə görə, metrodakı hüquq pozuntularına görə, Bakı Metropoliteninin nəzdində fəaliyyət göstərən polis bölməsinə müraciət etmək lazımdır:
“Məsələn kimsə, metroda siqaret çəkirsə, yaxud metroya ev heyvanları ilə girirsə və ya hansısa əşyasını itirirsə, bu halda mütləq Metropoliten polisinə müraciət etmək lazımdır. İstənilən halda polis məsələni araşdırıb vətəndaşın şikayətini təmin etməlidir”.
Amin Nəzərli
Femida.az
Oxunub: 3141
Oxşar xəbərlər
- 9-cu sinif şagirdini hansı cəza gözləyir? - Vəkil Sadiq Əfəndiyevdən açıqlama
- Şəhid və şəhid ailəsi üzvləri kimlərdir? - Hüquqi yardım
- "Tərtər işi" ilə bağlı hüquqşünas da saxlanıldı
- Bu şəxslərin sürücülük hüququ əlindən alınacaq
- Ukrayna rəsmisi: "2029-cu ildə Aİ-yə tamhüquqlu üzv olacağımıza ümid edirik"
- Geoloji Kəşfiyyat Agentliyi publik hüquqi şəxs yaradılır
- Rusiyada çalışan Azərbaycan vətəndaşlarının pensiya hüququ tanınacaq
- Rusiyanın BMT-nin İnsan Hüquqları Şurasındakı üzvlüyü dayandırılıb
- “Almaniya vizası” adı ilə vətəndaşları aldadan kimdir – ŞİKAYƏT
- ƏDV-dən azad olunan publik hüquqi şəxslərin sayı artırılıb