“Çox təəssüf ki, alpinistlər tapılmadı…” - Klub rəhbəri
19:00 01 Fevral 2018
“Dekabrın 28-dən yanvar ayının 16-a kimi axtarışlarda iştirak elədim. İstirahət edib, yenidən dağa qayıtdım. Yenicə dağdan gəlmişəm. Sabahdan axtarış prosesinə yenidən qoşulacam”.
Femida.az xəbər verir ki, bunu bizimyol.info-ya itkin düşən alpinistlərin axtarış prosesində iştirak edən, idman dırmanması üzrə təlimçi, “Şəki A.M.A” idman klubunun rəhbəri Müşfiq Səmədli bildirib.
O deyib ki, axtarış prosesində iştirak edən alpinistlər itkin düşən alpinstlərin tapılması üçün əllərindən gələni edirlər: “Axtarışlar əsasən Mahmuddərə adlanan ərazidə aparılır. Hətta Yeni il bayramında da axtarışı davam etdirdik. Çox təəssüf ki itkin düşən alpinistlər tapılmadı. Onların üçü də mənim dostum idi. Cəbrayılzadəni 6 ildir tanıyırdım, hamıya kömək etməyə çalışan, güləriz insan idi. Heyif..”.
Müşfiq Səmədli bildirib ki, ilk günlər axtarış prosesində iştirak edən alpinistlər çox idi: “Əvvəllər axtarışa könüllülər də qoşuldu. Xınalıq camaatı da bizə kömək edirdi. Hazırda axtarışda iştirak edən yetəri qədər alpinist var”.
“Gilavar” – hava və ekstrim idman klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyatzadə Namin Nizami oğlunun tapılması məqsədilə dekabrın 27-də başlanan axtarış işləri davam etdirilir.
Femida.az
Oxunub: 1844
Oxşar xəbərlər
- Bakıda mənzillərdən 2 milyon manatlıq oğurluq edən alpinistin məhkəməsi başlayır
- DİN: "Alpinistlərin xatirəsinə quraşdırılan bürünc lövhə tapılıb"
- Himalay dağlarında alpinistlər qrupu itkin düşüb
- Dağda yorulan alpinist yıxılıb öldü - VİDEO
- İki alpinist öldü - Everestdə
- Alpinistlərin adı əbədiləşdirildi - FOTO
- 143 gün qarın altında qalan alpinistlər - Dəhşətli olaydan 1 İL ÖTDÜ
- "İlk dəfə idi ki, dağa gedəndə sevinmirdi" - Tufandağda ölən alpinistin anası (VİDEO)
- Himalayda alpinistlər öldü
- Mikayıl Cabbarov ölən alpinistin qardaşını işdən çıxartdı