Bakıda qadını niyə tikə-tikə doğradılar? - Səbəbi bilindi
17:42 18 Fevral 2018
Bakıda qadının öldürülməsi və meyitinin doğranaraq zibil qutusuna atılması hadisəsi ilə bağlı maraqlı məqamlar üzə çıxıb.
Femida.az lent.az-a istinadən xəbər verir ki, fevralın 16-da saat 9 radələrində Binəqədi rayonu Azadlıq prospekti 28 ünvanının qarşısındakı zibil qutusunda bədən hissələri tapılan 58 yaşlı Lyubov Rəhimova ilə hadisəni törədən İrina Qorlova rəfiqə olub.
Bildirilir ki, Suraxanı rayonu Bülbülə qəsəbəsində hadisənin baş verdiyi ev 50 yaşlı İrinaya məxsusdur və rəfiqəsi bir müddət imiş ki, onunla birgə yaşayırmış. Onlar vaxtaşırı içki məclisləri təşkil edirmiş və belə məclislərin birində rəfiqələr arasında dava düşüb. Lyubovun onu söyməsindən əsəbiləşən İrina qab ilə onun başına zərbə endirib. Rəfiqəsinin öldüyünü görən qadın onun meyitini balta ilə doğrayaraq torbaya yığıb və taksi çağırıb. O, taksi ilə öldürdüyü rəfiqəsinin meyitinin hissələrini Binəqədi rayonu Azadlıq prospektinə gətirərək buradakı zibil qutusuna atıb.
Polis tərəfindən saxlanılan İrina Qorlova meyitin hissələrini niyə Bülbülədən Azadlıq prospektinə gətirdiyini izah etməkdə çətinlik çəkib və paytaxtda tək bu ərazidəki zibilliyi tanıdığını deyib. Lakin sonradan məlum olub ki, Lyubov Rəhimova əvvəllər xeyli vaxt bu ərazidə yaşayıb və İrina izi itirmək üçün onun meyitini hissələri bölərək buraya gətirib.
Araşdırmalar davam etdirilir.
Femida.az
Oxunub: 3677
Oxşar xəbərlər
- Binəqədidə ağacı zədələyən şəxs cəzalandırılıb
- Binəqədidə yol qəzası olub, xəsarət alan var
- Sabah Binəqədi və Abşeronun qaz təchizatı dayandırılacaq
- Binəqədidə avtomobil 10 yaşlı uşağı vuraraq xəsarət yetirib
- Binəqədidə 36 yaşlı kişini avtomobil vurub
- Binəqədidə gənc oğlanı avtomobil vurub
- Binəqədidə 4 nəfər dəm qazından zəhərlənib
- Binəqədidə 25 yaşlı gənc yol qəzasında ağır xəsarət alıb
- Binəqədi Rayon İcra Hakimiyyətinə yeni şöbə müdiri təyin olunub
- Binəqədidə 17 yaşlı gənc oğlan dəm qazından zəhərlənib