Ziya Məmmədovun evindəki yanğınla bağlı təfərrüatlar +VİDEO
19:30 19 Fevral 2018
İsmayıllının Buynuz kəndində sabiq nəqliyyat naziri Ziya Məmmədova məxsus bağ evində baş verən yanğının ilkin səbəbləri məlum olub.
Kəndin icra nümayəndəsi Gülzar Şirəliyeva Femida.az-a bildirib ki, yanğına evi isitmək üçün istifadə olunan sobadan çıxan qığılcım səbəb olub.
İcra nümayəndəsinin sözlərinə görə, yanğın olan evdə gözətçi qalırmış: “Yanan evdə Ziya Məmmədovun bağına baxan gözətçi qalırdı. Sabiq nazirin kəndə gələndə qaldığı ev həmin həyətdə bir qədər aralıdadır. Yanan ev gözətçi üçün nəzərdə tutulmuşdu. Məndə olan məluma görə, evə quraşdırılan soba işıqla işləyib. Elektrik enerjisi kəsildiyindən sobada odun yandırıblar. Sobadan çıxan qığılcım evi yandırıb. Ev taxtadan hazırlandığından tamamilə yanıb, içəridən heç nə çıxarmaq olmayıb”
Qeyd edək ki, bu gün səhər saatlarında İsmayıllının Buynuz kəndində ümumi sahəsi 144 kvadratmetr olan 3 otaqlı evdə yanğın baş verib. Evin sabiq nəqliyyat naziri Ziya məmmədova məxsus olduğu üzə çıxıb.
Femida.az
Oxunub: 1760
Oxşar xəbərlər
- Bakıda yaşayış binasında yanğın olub, xəsarət alan var
- DİN: Zaqatalada meşədə yanğın törədən şəxs müəyyən edilib
- Qubadakı yanğına görə bir nəfər məsuliyyətə cəlb edilib
- DİN: "Şabrandakı yanğında polis və mülki əhali arasında xəsarət alan olmayıb"
- Antalyada meşə yanğını başlayıb
- Bakıda restoranda yanğın olub
- Cəlilabadda yanğın başlayıb
- Banqladeşdə baş verən yanğında 15 nəfər ölüb, yüzlərlə insan xəsarət alıb
- “Aqroservis” ASC-də yanğın olub
- Bakıda obyektdə yanğın olub