Bayılda 67 ailəyə kirayə pulu verildi - 100-300 manat arası
16:13 21 Fevral 2018
Bayıl yamacının sürüşmə zonasında yerləşən və təhlükəli vəziyyətdə olan 67 evin sahiblərinə birinci ay üçün kirayə haqqı ödənilib. Femida.az xəbər verir ki, bu barədə Trend-ə sakinlər məlumat verib.
Sakinlərin sözlərinə görə, kirayə haqları kart vasitəsilə deyil, şəxsiyyət vəsiqəsini təqdim etməklə Azərbaycan Beynəlxalq Bankından verilib: "Bizə demişdilər ki, minimum aylıq kirayə haqqı 260 manatdan başlanacaq. Amma belə olmadı. 3-4 nəfərlik ailəyə 100-150 manat, 6 nəfərlik ailəyə 250 manat, 8, 9 və daha çox ailə üzvü olanlara isə 300 manat kirayə haqqı ödənildi. Bir ayın kirayə haqqını aldıq. Bankdan bildirdilər ki, kirayə müavinətləri üçün plastik kartlar bir neçə günə hazır olacaq və sonrakı aylar üçün kirayə haqları həmin kartlarla ödəniləcək".
Ötən gün "Kapital Bank"ın mətbuat katibi Pərviz Sədrəddinov Trend-ə bildirib ki, bank tərəfindən hələlik sakinlərə veriləcək kirayə müavinətlərinin vaxtı konkret məlum deyil: "Əksər vaxtlarda sosial tipli odənişlər "Kapital Bank" vasitəsilə verilir və bu hal da istisna edilmir. Hazırda prosedura əsasən işlər aparılır və vəsait köçürülən kimi sahiblərinə təqdim olunacaq".
Səbail rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini İsrafil Kərimov Trend-ə bildirib ki, verilən kirayə haqlarının məbləği ilə bağlı məlumatlı deyil, məsələni konkretləşdirib əlavə məlumat verəcək.
Qeyd edək ki, yanvarın 24-də Bayıl yamacında baş vermiş sürüşmə nəticəsində ərazidə olan 98 ev təhlükəli vəziyyətə düşüb, sakinlər ərazidən çıxarılaraq sığınacaqlara yerləşdiriliblər.
Hadisədən bir neçə gün sonra isə ərazidə 4 ev tam uçub, 2 ev isə yararsız vəziyyətə düşüb.
Femida.az
Oxunub: 957
Oxşar xəbərlər
- DİN: Bayıl qəsəbəsində domino oynayanlar saxlanılıb - FOTO
- Bayılda neft buruqlarının mühərriklərini oğurladılar - FOTO
- Bayıl sürüşmə zonasında yaşayanlar köçürüləcək - SƏRƏNCAM
- Nazirlər Kabineti qərar verəcək - Bayıldakı sürüşmə ilə bağlı
- Bayıl sürüşmə zonasında 98 ev söküləcək
- Eldar Əzizov: "Bayıldakı sürüşmə zonası ilə bağlı xüsusi layihə hazırlanır"
- Bayıldakı sürüşmə davam edir
- "Evləri tərk edin!" - Bayılda yaşayanlara rəsmi XƏBƏRDARLIQ
- Bayılda təhlükə artır - Avtobusların gediş-gəlişi dayandırıldı
- Bayılda yenə sürüşmə olub - VİDEO