Leyla Şıxlinskayanın işçisi: "Maaşı əllə alırdıq"
19:51 23 Fevral 2018
Bu gün Bakı Ağır Cinayətlər Məhkəməsində xalq artisti, aktrisa Leyla Şıxlinskayanın rəhbərlik etdiyi "Leyla Şıxlinskaya" klinikasının külli miqdarda pulunu mənimsəmədə təqsirləndirilən klinikanın sabiq işçiləri - baş mühasib Şəhla Abbasova, Səkinə Qasımova, Aytən Hüseynova, Mədinə Hüseyeva, Yelena Abdullayeva və digərinin cinayət işi üzrə məhkəmə iclası davam etdirilib.
Femida.az-ın report-a istinadən xəbərinə görə, hakim Əfqan Hacıyevin sədrliyi ilə keçirilən prosesdə şahid qismində klinikada kordioloq işləyən Məlahət Əsgərzadə ifadə verib.
O bildirib ki, maaşı kartla deyil, kassadan əllə alıb.
Digər şahid Lalə Həsənova isə qeyd edib ki, klinikada göz həkimi işləyir. O, istintaqa verdiyi ifadəni təsdiq etdiyini, pulu konvertdə kassadan aldığını deyib.
Digər şahidlər olmadığına görə məhkəmədə fasilə elan olunub.
Qeyd edək ki, həmin şəxslər Cinayət Məcəlləsinin 313-cü (vəzifə saxtakarlığı) və 179.3.2-ci (mənimsəmə, külli miqdarda) maddələri ilə ittiham olunurlar.
Klinikanın keçmiş işçiləri Leyla Şıxlinskayanın hüquq-mühafizə orqanlarına dörd il əvvəlki şikayəti əsasında cinayət məsuliyyətinə cəlb olunublar. Xalq artisti onları klinikanın kassasından 700 min manatlıq mənimsəmədə günahlandırır. Bu iş üzrə istintaqı əvvəlcə Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsi, daha sonra Baş prokuror yanında Korrupsiyaya qarşı Mübarizə İdarəsi aparıb.
Məhkəmənin hazırlıq iclasında təqsirləndirilən şəxslərin anket məlumatları dəqiqləşdirilən zaman Ş.Abbasova himayəsində 2 azyaşlı uşaq olduğunu deyib.
S.Qasımova da himayəsində iki azyaşlı uşaq olduğunu, Tibb Universitetində həkim işlədiyini bildirib.
A.Hüseynova subay olduğunu, lakin himayəsində bir azyaşlı uşaq olduğunu qeyd edib.
M.Hüseynova bildirib ki, ailəlidir, himayəsində iki azyaşlı uşaq var, hazırda həmin klinikada qeydiyyatçı işləyir.
Y.Abdullayeva isə söyləyib ki, himayəsində iki azyaşlı uşaq var və həmin klinikada qeydiyyatçı vəzifəsində çalışır.
Femida.az
Oxunub: 900
Oxşar xəbərlər
- Leyla Şıxlinskayanın pulunu mənimsəməkdə təqsirləndirilən şəxslərə hökm oxundu
- Leyla Şıxlinskaya klinikasını satıb
- Leyla Şıxlinskayanın müdafiəsinə yeni vəkil qoşuldu
- Məhkəmə "Leyla Şıxlinskaya" klinikasından pul mənimsəyənlərə vaxt verdi
- “Leyla Şıxlinskaya vergiyə görə belə edirdi”
- Leyla Şıxlinskayanın sabiq işçilərinin məhkəməsi oldu - Şahidlər danışdı
- "Ginekoloq ayda 25 min manat alırdı" - Məhkəmədə ilginc ifadə
- "Leyla Şıxlinskaya"nın əməkdaşları məhkəmə qarşısında - Şahidlər ifadə verdi
- Leyla Şıxliniskayaya xəbərdarlıq edildi - Məhkəmə
- " Leyla Şıxlinskaya "nın sabiq işçiləri məhkəmə qarşısında