Moldova Prezidenti Azərbaycana gələcək
20:41 23 Fevral 2018
Diasporla İş üzrə Dövlət Komitəsinin dəstəyi və Nizami Gəncəvi Beynəlxalq Mərkəzinin təşkilatçılığı ilə martın 15-17-də keçiriləcək VI Qlobal Bakı Forumunda Moldova Prezidenti İqor Dodon iştirak edəcək.
Komitənin mətbuat xidmətindən Femida.az-a verilən məlumata görə, bu məqsədlə İqor Dodonun Azərbaycana səfəri nəzərdə tutulub.
Forum çərçivəsində "Balkan regionunda hazırkı və gələcək vəziyyət - regional təhlükəsizlik məsələlərinin proqramı və ya yeni geosiyasi şahmat lövhəsi?" mövzusunda keçiriləcək iclasda Moldova Prezidenti İqor Dodonun çıxışı planlaşdırılır. İqor Dodon 13 noyabr 2016-cı tarixində Moldova prezident seçkilərinin ikinci turunda Moldova Prezidenti seçilib.
Qeyd edək ki, VI Qlobal Bakı Forumunda Albaniya Prezidenti Ilir Meta, Monteneqro Prezidenti Filip Vuyanoviç, Bosniya və Herseqovinanın Rəyasət Heyətinin üzvü Mladen İvaniç və digər dövlətlərin prezidentləri, baş nazirləri, nazirləri, Nizami Gəncəvi Beynəlxalq Mərkəzi olan sabiq dövlət və hökumət başçıları, tanınmış ictimai və siyasi xadimlərin də daxil olduğu 500 nəfərə yaxın qonağın iştirakı nəzərdə tutulur. Tədbir çərçivəsində Yaxın Şərq regionunda sülh və təhlükəsizlik məsələləri, Balkan regionunda mövcud geosiyasi vəziyyət, müasir dövrdə ictimai və siyasi həyatda gənclərin artan rolu kimi mövzular barədə müzakirələr aparılacaq.
Femida.az
Oxunub: 663
Oxşar xəbərlər
- Moldova Prezidenti İlham Əliyevə zəng edib
- Odessadan daha 130 azərbaycanlı Moldova sərhədinə təxliyə olunub
- İlham Əliyevə Türk Dünyasının Ali Ordeninin təqdim edilməsi Moldova mətbuatında
- Moldova prezidentinin andiçmə tarixi açıqlanıb
- Moldova Prezidentindən İlham Əliyevə təbrik məktubu
- Moldova prezidenti İlham Əliyevə təşəkkür etdi
- Azərbaycan və Moldova XİN başçıları telefonla danışdı
- Moldova Dağlıq Qarabağda keçirilən "seçkiləri" tanımır
- İlham Əliyev Moldova Prezidenti ilə görüşüb - FOTOLAR
- Moldova vətəndaşı Şəkidə ölüb