Prezidentliyə namizədlərin sayı 15-ə çatdı
20:30 24 Fevral 2018
Mərkəzi Seçki Komissiyasının (MSK) bu gün keçirilən iclasında aprelin 11-ə təyin edilmiş prezident seçkilərində iştirak etmək istəyən daha 2 nəfərin namizədliyinin irəli sürülməsi təsdiq edilib.
Femida.az-ın məlumatına görə, iclasda prezidentliyə namizədliyi Vətəndaş və İnkişaf Partiyası tərəfindən irəli sürülmüş Əli Əliyevin və prezidentliyə namizədliyi Azərbaycan Demokrat Partiyası tərəfindən irəli sürülmüş Sərdar Məmmədovun namizədliyinin irəli sürülməsinin təsdiq edilməsi məsələsinə baxılıb.
MSK-nın katibi Arifə Muxtarova bildirib ki, Ə.Əliyevin və S.Məmmədovun prezidentliyə namizədliyinin irəli sürülməsinin təsdiq edilməsi üçün hüquqi əsaslar mövcuddur. Məsələ səsə qoyulub və təsdiq edilib.
Daha sonra Vətəndaş və İnkişaf Partiyasının və Azərbaycan Demokrat Partiyasının səlahiyyətli nümayəndələri qeydə alınıb.
Bununla da Azərbaycanda prezidentliyə namizədliyinin irəli sürülməsi təsdiq olunanların sayı 15 nəfərə çatıb.
Femida.az
Oxunub: 1007
Oxşar xəbərlər
- Hesablama Palatası MSK-da pozuntular aşkarlayıb
- Gürcüstanda seçici fəallığı 33,18% olub - MSK
- Gürcüstan MSK-nın sədri istefa verdi
- Ermənistan MSK Köçəryan və Sərkisyanın müraciətini rədd edib
- MSK-ya sədr, sədr müavini seçilib
- Bu gün MSK-nın iclası keçiriləcək, sədr məlum olacaq
- MSK-nın yeni tərkibinin üzvlüyünə namizədlər - SİYAHI
- MSK-nın tərkibi yenidən formalaşdırılır
- MSK-ya ayrılan vəsaitin həcmi və təyinatı məlum olub
- MSK-ya yeni sədr seçildi - Naxçıvanda
