AFFA-ya 14 milyon ayrılır – Futbolun inkişafı
21:57 26 Fevral 2018
UEFA Avropada futbolun inkişafı üçün rekord məbləğdə qrant ayıracaq.
Femida.az xəbər verir ki, bununla bağlı qərar UEFA-nın bu gün Slovakiyanın paytaxtı Bratislavada keçirilən 42-ci Konqresində qəbul olunub.
UEFA-nın 2020 – 2024-cü illərdə “HatTrick V” inkişaf layihəsi üçün 55 milli assosiasiyaya ümumilikdə 775,5 milyon avro ödəniləcək. Nəticədə hər bir assosiasiya, o cümlədən AFFA 4 il ərzindən 14,1 milyon avro alacaq.
Bu məbləğ 2016 – 2020-ci illəri əhatə edən və 600 milyon büdcəsi olan əvvəlki layihəni 30 faiz üstələyir.
Həmçinin, Konqresdə ispaniyalı Xuan Luis Larrea Sarobe bir il müddətinə UEFA İcraiyyə Komitəsinin üzvü, macarıstanlı Şandor Çanyi isə eyni müddətə FIFA-nın vitse-prezidenti seçilib.
Ş.Çanyinin təyinatı ilə əlaqədar UEFA-nın 2019-cu il Konqresinədək onu FIFA Şurasında Fernandu Qomeşin əvəzlməsi qərara alınıb.
Avropa Peşəkar Futbol Liqasının (EPFL) təmsilçisi Lars-Krister Olsson 2021-ci ilə qədər UEFA İcraiyyə Komitəsinin tamhüquqlu üzvü kimi təsdiqlənib.
Konqres UEFA prezidentinin, administrasiyasının və İcraiyyə Komitəsinin məruzələrini bəyənib, 2016/2017 mövsümünün maliyyə hesabatını öyrənib və 2018/2019 mövsümü üçün büdcəni təsdiq edib. Eləcə də UEFA Nizamnaməsinə təklif edilən düzəlişlər təqdir olunub.
UEFA İcraiyyə Komitəsinin növbəti iclası mayın 24-də Ukraynanın paytaxtı Kiyevdə keçiriləcək. Qurumun növbəti Konqresi isə 2019-ci il fevralın 7-də İtaliyanın paytaxtı Romada olacaq.
Femida.az
Oxunub: 734
Oxşar xəbərlər
- AFFA rəsmisi Avropa çempionatına təyinat alıb
- AFFA rəsmisini döyən oyunçuya ağır cəza verilib
- AFFA İntizam Komitəsinin sabiq sədri vəfat edib
- AFFA yarışların təxirəsalınma müddətini uzatdı
- Rövnəq Abdullayev yenidən AFFA-nın prezidenti seçildi
- AFFA 6 futbolçunu cəzalandırdı
- AFFA "Qarabağ"ı cərimələyib
- Danışılmış oyunlara görə AFFA iki futbolçunu cəzalandırdı
- AFFA bir neçə klubu cəzalandırıb
- AFFA təxribata etiraz etdi: UEFA-ya müraciət olunacaq