Bir ayda 16 min müraciət
16:17 06 Mart 2018
Fevral ayında Azərbaycan Əmək və Əhalinin Sosial Müdafiəsi Nazirliyinin 142 və 190-“Çağrı mərkəzləri”nə 16 423 müraciət daxil olub.
Nazirlikdən Femida.az-a verilən məlumata görə, müraciətlər sosial təminat növlərinə hüququn müəyyən olunması, aktiv məşğulluq tədbirlərinə, o cümlədən özünüməşğulluq proqramına cəlb olunma, pensiya və müavinət, sosial xidmət, sosial sığorta münasibətləri, fərdi uçot sistemi, tibbi-sosial ekspertiza və reabilitasiya, əmək və sosial müdafiə sahəsində elektron xidmətlərdən istifadə və s. məsələləri əhatə edib. Vətəndaşlar əsasən bu sahələrlə bağlı sorğularını ifadə ediblər və müraciətlərin 96,7%-i belə sorğulardan ibarət olub.
“Çağrı mərkəzləri”nə daxil olan hər bir müraciət Əmək və Əhalinin Sosial Müdafiəsi Nazirliyinin aidiyyəti sahə üzrə mütəxəssisləri tərəfindən qanunvericiliyin tələblərinə uyğun şəkildə cavablandırılıb. O cümlədən, sorğu xarakterli müraciətlərdə əksini tapan məsələlərlə bağlı vətəndaşlara qanunvericiliyin müvafiq maddələri izah olunub. Müraciətlərin qalan hissəsində isə araşdırılması tələb olunan məsələlər ifadə olunub. Həmin müraciətlər nazirliyin aidiyyəti struktur bölməsində araşdırılaraq nəticəsinə uyğun tədbirlər görülüb.
Qeyd edək ki, SMS-məlumatlandırma xidməti də davam etdirilib və ötən ay vətəndaşların aidiyyəti məsələlər üzrə məlumatlandırılması məqsədilə 70 328 SMS göndərilib. Ümumilikdə cari ilin yanvar-fevral aylarında Əmək və Əhalinin Sosial Müdafiəsi Nazirliyinin 142 və 190 - “Çağrı mərkəzləri” tərəfindən 31 659 müraciətin cavablandırılması təmin olunub.
Femida.az
Oxunub: 702
Oxşar xəbərlər
- Məşhur idmançılar Prezidentə müraciət etdi +VİDEO
- DİN Aşura mərasimləri ilə bağlı vətəndaşlara müraciət edib
- Qafqaz Müsəlmanları İdarəsi Məhərrəm ayının başlaması ilə əlaqədar müraciət yayıb
- FHN uşaqların təhlükəsizliyi ilə bağlı əhaliyə müraciət edib
- AQTA qida sahəsində fəaliyyət göstərən sahibkarlara müraciət edib
- DYP sürücülərə müraciət edib
- Səhiyyə Nazirliyi Qurban bayramı ilə bağlı vətəndaşlara müraciət edib
- Səhiyyə naziri valideynlərə müraciət edib
- DİM iyulun 6-7-də imtahan verəcək abituriyentlərə müraciət edib
- DYP yükdaşıma fəaliyyəti ilə məşğul olan şəxslərə müraciət edib