İşsiz gənclərə MÜJDƏ: Bakı Metropolitenində vakansiya

14:19 09 Mart 2018

Bakı%20metrosu%20onlar%20üçün%20pulsuz%20olacaq.jpg

Azərbaycanda işə düzəlməkdə çətinlik çəkən gənclər üçün əlavə iş yerləri yaradan işəgötürənlər həvəsləndiriləcək.

Femida.az xəbər verir ki, "Bakı Metropoliteni" Qapalı Səhmdər Cəmiyyəti tornaçı peşəsi üzrə işə qəbul elan edir.

Vakansiya üzrə tələblər belədir:

- Təhsili: İlk peşə- ixtisas üzrə təhsil və ya orta ixtisas təhsilli tornaçı;

- İş stajı: 3 ildən yuxarı;

- Yaş: 25-45;

- Hərbi mükəlləfiyyətli;

İş üzrə tələblər:

- Torna dəzgahının konstruksiyasını, ayrı-ayrı qovşaqların təyinatını bilməlidir. Cizgiyə uyğun pəstahın seçilməsi, patronda pəstahın bərkidilməsi, hissəni emal etmək üçün kəskilərin növünün müəyyənləşdirilməsi qaydaları haqda məlumatlı olmalıdır. Cizgini oxumaq qabiliyyəti olmaqla bərabər, təmizlik sinfi, dəqiqlik dərəcəsi haqda təcrübəsi olmalıdır. Cizgi və ya nümunə əsasında verilmiş hissəni torna dəzgahında mexaniki emal etməyi bacarmalıdır.

Vəzifəsi üzrə bilməlidir:

- Müxtəlif konstruksiyalı torna dəzgahlarının konstruksiyasını və dəqiqliyə yoxlama qaydalarını, detalların qurulma, bərkidilmə və yoxlama üsullarını və emalın texnoloji ardıcıllığını, bütün növlərdən olan normal və xüsusi kəsici alətlərin quruluşunu, həndəsəsini, termiki emalı, itilənməsi və tamamlanması qaydalarını, verilmiş dəqiqliyə və emal təmizliyinə nail olma üsullarını, xüsusi tərtibatların tətbiqi şərtlərini bilməlidir.

İş rejimi: 08:00-17:00

İddiaçılar "Bakı Metropoliteni" QSC-nin rəsmi veb-səhifəsinin "Karyera və əməkdaşlıq" bölməsinə daxil olub "bizdə iş" (http://www.metro.gov.az/az/career/workforus) yarımbölməsində elektron müraciət formasını doldurmalıdırlar.

Femida.az