Bakıda bu obyektlər satıldı
17:24 13 Mart 2018
Bu gün Əmlak Məsələləri Dövlət Komitəsi tərəfindən dövlət əmlakının özəlləşdirilməsi üçün hərrac keçirilib.
Komitədən Femida.az-a daxil olan xəbərə görə, hərracda paytaxtın Nərimanov rayonunda yerləşən qeyri-yaşayış sahəsinin ilkin start qiyməti 13 min manat olsa da ən son təklif 13 min 450 manatadək yüksəlib. Adı çəkilən əmlakın ümumi faydalı sahəsi 50 kv.m-ə yaxındır. Bundan başqa eyni ünvanda yerləşən digər əmlakın, 1 mərtəbəli binanın zirzəmisinin bir hissəsinin də hərracı rəqabətli olub. İlkin start qiyməti 2 min 500 manata olan həmin obyektə ən son 2 min 600 manat təklif edilib.
Hərracda 19 dövlət əmlakı özəlləşdirilib. Bunlardan 3-ü kiçik dövlət müəssisəsi, 13-ü qeyri-yaşayış sahəsi, 3-ü isə nəqliyyat vasitəsidir. Bakı şəhəri üzrə keçirilən hərraclarda 1 kiçik dövlət müəssisəsi, 12 istifadəsiz qeyri-yaşayış sahəsi və 3 nəqliyyat vasitəsi, respublikanın digər şəhər və rayonları üzrə 2 kiçik dövlət müəssisəsi və 1 istifadəsiz qeyri-yaşayış sahəsi özəlləşdirilib.
Hərracda özəlləşdirilən kiçik dövlət müəssisələri paytaxtın Sabunçu rayonunda, digərləri isə Gəncə və Qəbələ şəhərlərində yerləşir.
Bakı şəhəri üzrə özəlləşən qeyri-yaşayış sahəsindən 5-i Nərimanov, 5-i Nəsimi, 2-si Səbail rayonunda yerləşir. Region üzrə özəlləşən qeyri-yaşayış sahəsi isə Abşeron rayonundadır.
Bununla yanaşı prosesdə müxtəlif markalı nəqliyyat vasitələri də sahibini tapıb. Özəlləşən avtomobillər 2007-ci il istehsalı olan Fiat Albeo və Fiat Doblo, buraxılış tarixi 2006-cı il olan Nissan Maximadır.
Femida.az
Oxunub: 1195
Oxşar xəbərlər
- Azərbaycanda dövlətə məxsus 3 helikopter hərraca çıxarılır
- Azərbaycanın daha 4 faydalı qazıntı yatağı hərraca çıxarılır
- Daha 42 dövlət əmlakı hərraca çıxarılacaq
- Azərbaycanda avqustun 17-də hərraca 33 dövlət əmlakı çıxarılacaq
- Azərbaycanda 31 dövlət əmlakı hərraca çıxarılacaq
- 79 dövlət əmlakı hərraca çıxarılacaq
- Növbəti hərracın vaxtı dəyişdirildi
- Mərkəzi Bankın hərracında dollara tələb artıb
- Azərbaycanda faydalı qazıntı yataqları hərrac yolu ilə istismara veriləcək
- Daha 27 dövlət əmlakı hərraca çıxarılacaq