Nazirlik 4 minə yaxın sahibkarla görüşüb
13:55 14 Mart 2018
Vergi ödəyiciləri ilə vergi orqanları arasında qarşılıqlı etimadın yüksəldilməsi, şəffaflığın təmin edilməsi, idarəetmə prinsiplərinin yenidən təşkili və gələcək iş fəaliyyətinin əsas istiqamətlərinin vergi orqanları əməkdaşlarına və sahibkarlara çatdırılması məqsədilə mart ayının 5-dən 9-dək vergi xidməti əməkdaşları və iş adamları ilə görüşlər keçirilib.
Vergilər Nazirliyindən Femida.az verilən məlumata görə, Bakı şəhərində Vergilər Nazirliyi yanında Milli Gəlirlər Departamenti, Bakı şəhəri Lokal və Kiçik Sahibkarlıqla İş Departamenti, eləcə də ərazi vergi orqanlarının yerləşdikləri və əhatə dairəsində olan 12 şəhərdə - Sumqayıt, Gəncə, Yevlax, Şirvan, Lənkəran, Şəmkir, Quba, Göyçay, Qəbələ, Zaqatala, Şamaxı və İmişlidə Vergilər Nazirliyinin rəhbər vəzifəli şəxslərinin iştirakı ilə keçirilmiş görüşlərdə iqtisadiyyatın müxtəlif sahələrini təmsil edən 4000-ə yaxın vergi ödəyicisi iştirak edib.
Görüşlərdə bildirilib ki, Azərbaycan Prezidenti İlham Əliyevin rəhbərliyi altında sahibkarlığın inkişafının dəstəklənməsi, özəl sektorun fəaliyyətinin genişləndirilməsi, iqtisadiyyata investisiya qoyuluşlarının stimullaşdırılması istiqamətində həyata keçirilən iqtisadi siyasətin tərkib hissəsi olaraq, vergi sistemində də son dövrlərdə geniş islahatlar aparılır: "Hazırda qanunvericiliyin təkmilləşdirilməsi üçün sahibkarların, eləcə də ictimaiyyətin nümayəndələrinin fikir və təklifləri öyrənilir. Bu prosesdə sahibkarlar təşəbbüskar olmalı, vergi qanunvericiliyi və inzibatçılığı ilə bağlı təkliflərini martın 31-dək nazirliyin müvafiq komissiyasına təqdim etməlidirlər".
Femida.az
Oxunub: 749
Oxşar xəbərlər
- AQTA qida sahəsində fəaliyyət göstərən sahibkarlara müraciət edib
- Sahibkarlıq fəaliyyəti sahəsində fərqlənən şəxslər təltif edilib - SİYAHI
- Sahibkar: "Tikinti üçün Vilyam Hacıyevə 2 min manat rüşvət verdim"
- Prezident Bakıda qanunsuz tikililərlə bağlı dövlət qurumları və sahibkarlara xəbərdarlıq edib
- Azərbaycanda sahibkarlıq sahəsində yoxlamalar daha 1 il müddətinə dayandırılıb
- Azərbaycanda sahibkarlıq sahəsində yoxlamalar daha 1 il dayandırılır
- Azərbaycanda sahibkarlıq fəaliyyətinə icazələrin siyahısı genişləndirilir
- Azərbaycan sahibkarları ƏDV-ni avtomatik hesablayıb, ödəyə bilərlər
- Şamaxıda satıcı sahibkarın 9 minini oğurladı - RƏSMİ
- AQTA sədri fitosanitar qaydalara əməl etməyən sahibkarlara müraciət edib