Maştağadakı səs-küylə bağlı bir nəfər cəzalandırıldı
14:31 14 Mart 2018
Ekologiya və Təbii Sərvətlər Nazirliyinin “Qaynar Xətt”inə Sabunçu rayonu, Maştağa qəsəbə sakini Telli Məlikova tərəfindən laminat sexindən gələn səs-küy ilə bağlı daxil olan şikayət Nazirliyin əməkdaşları tərəfindən dərhal yerində araşdırılıb.
Nazirliyin mətbuat xidmətindən Femida.az-a daxil olan xəbərə görə, ETSN-nin mütəxəssisləri tərəfindən Maştağa qəsəbəsi, Ramana gülçülük sovxozu ərazisində yerləşən sexdə aparılan ölçmə işləri nəticəsində sexdə işləyən iri həcmli köhnə ventilyatorların yaratdığı səs–küyün səviyyəsinin norma həddini aşdığı məlum olub.
Faktla bağlı sexin sahibi Elxan Feyzullayev barəsində protokol tərtib edilib və o, vəzifəli şəxs qismində inzibati qaydada 2500 manat məbləğində cərimə edilib. Köhnə ventilyatorların sökülüb müasir ventilyatorlarla əvəz olunması üçün sex sahibinə icrası məcburi olan müddətli “məcburi göstəriş” verilib.
Femida.az
Oxunub: 1061
Oxşar xəbərlər
- Maştağa sakininin həyətində 15 mindən çox çətənə kolu aşkarlanıb
- Maştağada 8 evdən oğurluq edən şəxslər saxlanılıb
- Prezident yenidən qurulan “Hövsan” və “Maştağa” yarımstansiyalarının açılışını edib
- Maştağada ad günü məclisi təşkil edən şəxslər aşkarlandı
- Sabahdan Maştağa sakinləri Bakıya "BakuBus" avtobusları ilə gedib-gələcəklər
- Nazirlik: Maştağa qəsəbəsindəki tarixi hamam zibildən təmizlənir
- Maştağa sakinindən 17 kq narkotik götürülüb
- Maştağada istixanada narkotik bitkilər əkib-becərən saxlanıldı
- Maştağada quş kəsimi sexi bağlandı
- Maştağa sakininin evindən tapança götürülüb