Raket və Artilleriya texnikası atəş mövqelərinə çıxarıldı - VİDEO


19:38     14 Mart 2018 2018/03/f93f84a2-3f4e-4a64-844b-3f9dce604e51_640_1521027548.jpg


Müxtəlif qoşun növlərinin iştirakı ilə həyata keçirilən Azərbaycan ordusunun genişmiqyaslı təlimləri davam edir.

Bu barədə Femida.az-a Müdafiə Nazirliyinin mətbuat xidmətindən məlumat verilib.

Raket və Artilleriya Qoşunlarının hərbi hissə və birləşmələrinin 1000-dək müxtəlif çaplı raket və artilleriya qurğusu, reaktiv yaylım atəş sistemi və minaatanlar döyüş atışları icra etmək məqsədilə ümumqoşun poliqonlarındakı müvəqqəti atəş və start mövqelərinə çıxarılıb.

Qeyd edək ki, Azərbaycan Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən, martın 12-dən müxtəlif qoşun növləri, qismləri, birlik və birləşmələrin iştirakı ilə genişmiqyaslı təlimlər başlayıb.

Təlimlərə 25.000 nəfərədək şəxsi heyət, 250-dək tank və digər zirehli texnika, 1000-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 50-dək müxtəlif təyinatlı ordu və cəbhə aviasiyası cəlb olunub.

Təlimlər martın 17-dək davam edəcək.

Açar sözlər: #raket   #artilleriya   #texnika   #atəş   #silah   #ordu   #təlim   #müdafiə  

Oxunub: 1393