Girov götürdüyü şəxsi öldürdü - Dəstə üzvünü "İnterpol" axtarır

19:08     16 Mart 2018

Azərbaycan ağır cinayətlərdə təqsirləndirilən şəxsi beynəlxalq axtarışa verib.

Femida.az-ın məlumatına görə, bu barədə İnterpolun saytında məlumat yerləşdirilib.

Məlumatda qeyd olunur ki, 1986-cı il təvəllüdlü Ramin Həsənov Cinayət Məcəlləsinin 120.2.1-ci (bir qrup şəxs və ya qabaqcadan əlbir olan bir qrup dəstə tərfindən adam öldürmə), 120.2.2-ci (xuliqanlıq niyyəti ilə adam öldürmə) və 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülmə ilə bağlı adam öldürmə) maddələri ilə təqsirli bilinir.

R. Həsənov Azərbaycandan qaçdığı üçün barəsində dövlətlərarası axtarış elan olunub və tutulması üçün İnterpola müraciət edilib.

Hazırda onun yerinin müəyyən edilərək tutulması istiqamətində əməliyyat-axtarış tədbirləri davam etdirilir.

Açar sözlər: #İnterpol   #axtarış   #qətl  

Oxunub: 1078