Türkiyənin sabiq prezidenti vəfat etdi
16:48 10 May 2015
Ömürlük həbs cəzasına məhkum olunmuş Türkiyənin 7-ci prezidenti, 1980-ci il hərbi çevrilişinin təşkilatçısı Kənan Əvrən 98 yaşında vəfat edib.
Bu barədə Türkiyənin “Anadolu” xəbər agentliyi məlumat yayıb.
Məlumata görə, Kənan Əvrən 2012-ci ilin martından Ankarada hərbi-tibbi akademiyada müalicə keçib. Son günlər onun səhhətində ciddi problemlər yaranıb, onun süni nəfəs aparatına qoşulduğu bildirilir.
Hərbi çevrilişdən sonra prezident olmuş (1982-1989) general Kənan Əvrən onun hakimiyyəti dövründə konstitusiyaya edilmiş dəyişikliyə əsasən 2010-cu ilədək toxunulmazlıq statusuna malik olub. Bundan əvvəl Kənan Əvrən məhkəməyə cəlb olunacağı təqdirdə intihar edəcəyini bildirmişdi.
Kənan Əvrən 2014-cü ilin martında dövlətə qarşı cinayətlər törətməkdə təqsirli hesab edilərək hərbi rütbələrindən məhrum edilib. Əvrən və tərəfdaşları konstitusiyaya dəyişiklik etməkdə, qanuni hakimiyyəti devirmək məqsədi ilə çevriliş təşkil etməkdə, parlamentin buraxılmasında və 1980-83-cü illərdə hərbi rejim dövründə geniş şəkildə işgəncələr tətbiq etməkdə ittiham olunublar.
Oxunub: 794
Oxşar xəbərlər
- Türkiyənin baş naziri Naxçıvandadır
- Türkiyənin xarici işlər naziri Bakıdadır
- Türkiyənin yetişdirdiyi suriyalı qadın polislər - FOTOLAR
- Türkiyənin bələdiyyə sədrləri Cocuq Mərcanlıya səfər edib
- Türkiyənin müdafiə naziri: Azərbaycan xalqının tələbi Türkiyə üçün əmrdir
- Türkiyənin müdafiə naziri Azərbaycana gələcək
- Türkiyənin təyyarəsi quş dəstəsi ilə toqquşdu
- Türkiyənin Azərbaycanla bağlı əsas hədəfi açıqlandı
- Türkiyənin müdafiə naziri Azərbaycanda təlimlərə qatılacaq
- Türkiyənin müdafiə naziri Azərbaycana gəlir