Dəmir yol xəttindən oğurluq etdilər - FOTOLAR
20:09 05 Aprel 2018
Ağstafada dəmiryol xəttindən naqillər oğurlanıb.
Ağstafa Dəmiryol Xətt Polis Bölməsinin və Gəncə Xətt Polis Şöbəsinin əməkdaşlarının keçirdikləri əməliyyat zamanı Ağstafa ərazisindən keçən dəmiryol xəttindən naqilləri kəsərək oğurlamaqda şübhəli bilinən rayonun Saloğlu qəsəbə sakini 31 yaşlı Yaşar Xəlilov və Qarayazı kənd sakini 18 yaşlı Taleh Qayıbov saxlanılıblar.
Əməliyyat zamanı şübhəlilərin üzərindən tapılan torbanın içindən xeyli miqdarda mis naqillər və dəmir yolunda istifadə olunan digər metallar aşkarlanaraq götürülüb.
Dəmiryolu xəttinin elektrik enerjisinin tənzimlənməsində istifadə olunan transformatorun sökülməsi nəticəsində yaxınlıqdakı relslər əriyib, dəmiryoluna xeyli miqdarda ziyan dəyib. Dəmiryol xətt polis bölməsindən bildirilib ki, məlum ərazidəki oğurluq faktının üstü vaxtında açılmasaydı, ərazidən keçən sərnişin və yük qatarlarının hərəkəti üçün təhlükə yarana bilərdi.
Saxlanılanlardan Yaşar Xəlilov əvvəllər də məhkumluq həyatı yaşayıb, həmçinin bir neçə il dəmiryol sahəsində çalışıb. Faktla bağlı araşdırmalar davam edir.
Femida.az
Oxunub: 1675
Oxşar xəbərlər
- Ağstafa Regional Mədəniyyət İdarəsinə yeni rəis təyin edilib
- Ağstafa sakinində narkotik və silah aşkar edilib
- Ağstafa Rayon Polis Şöbəsi səyyar xidmət keçirib
- Ağstafa Rayon Polis Şöbəsi səyyar xidmət keçirib
- Ağstafa sakini naməlum şəraitdə xəsarət alıb
- Ağstafa sakini qaynı tərəfindən qətlə yetirilib
- Ağstafa RİH-də yeni təyinatlar olub
- Ağstafa su kanalında əl qumbarası tapılıb
- Ağstafa RPŞ-nın Dövlət Yol Polisi bölməsinə yeni rəis təyin edilib
- Ağstafa sakinindən tüfəng götürülüb