Quşla toqquşan AZAL təyyarəsi hava limanına qayıdıb
00:05 09 Aprel 2018
Bakı-Naxçıvan marşrutu ilə uçuş həyata keçirən "Azərbaycan Hava Yolları" MMC-yə məxsus Airbus A320 təyyarəsi havaya qalxarkən quşla toqquşub.
Femida.az bildirir ki, bu barədə Trend-ə şirkətin mətbuat xidmətinin rəhbəri Paşa Kəsəmənski məlumat verib.
"Bununla əlaqədər olaraq hava gəmisinin komandiri hava limanına qayıtmağa qərar verib. Eniş uğurla həyata keçib", - deyə o bildirib.
Onun sözlərinə görə, hal-hazırda texniki işçilər təyyarəyə baxış keçirir. Sərnişinlər isə Naxçıvana digər təyyarəylə uçacaq.
Oxunub: 868
