Evli qadınlar qızlıq soyadına necə qayıda bilər? – Hüquqi yardım
21:32 13 Aprel 2018
Femida.az vətəndaşlara hüquqi yardım layihəsini davam etdirir. Bu dəfəki mövzumuz qadınların qızlıq soyadına qayıtması ilə bağlıdır.
Adətən evləndikdən sonra xanımlar öz ərlərinin soyadını qəbul edirlər. Lakin bəzən evlilikdən sonra qadınlar əvvəlki soyadına qayıtmaq istəyir. Adətən belə hallar boşanma ərəfəsində olan cütlüklər arasında yaşanır. Lakin nigahda olduğunuz müddətdə belə, qızlıq soyadına qayıtmaq mümkündür. Bu proses soyadı dəyişmək qədər uzun deyil və tələb olunan sənədlər də azdır.
Bunun üçün yaşadığınız rayonun qeydiyyat şöbəsinə və ya Asan xidmətə müraciət edə bilərsiniz. Yoxlamaların nəticəsindən asılı olaraq soyadın dəyişdirilməsi barədə qərarın verilməsi 2-3 ay qədər çəkə bilər. Bu da hüquq-mühafizə orqanları tərəfindən müraciətin hər hansı xüsusi məqsəd daşıyıb-daşımadığını müəyyənləşdirmək üçündür.
Qızlıq soyadına qayıtmaq üçün xanım öz şəxsiyyət vəsiqəsini, nikah haqqında şəhadətnaməni, uşaq varsa, onun doğum haqqında şəhadətnaməsini və ya şəxsiyyət vəsiqəsini təqdim etməlidir. Müraciət üçün 10 manat dövlət rüsumu ödənilir.
Soyadın dəyişdirilməsi barədə müvafiq qərar verildikdən sonra mütləq yeni şəxsiyyət vəsiqəsi alınmalıdır.
Qeyd edək ki, qızlıq soyadına qayıtmaq üçün müraciət zamanı nigahın kəsildiyi rayonla, xanımın qeydiyyatda olduğu rayonların eyni olması vacib deyil. Rayonlar fərqli olsa belə, qadın qeydiyyatda olduğu rayon ərazisində müraciət edərək prosesi reallaşdıra bilər.
Amin Nəzərli
Femida.az
Oxunub: 6586
Oxşar xəbərlər
- 11 yaşlı qızı nişanlayan ailəni hansı məsuliyyət gözləyir? - QANUN
- Azərbaycanda orta evlilik yaşı artıb
- Əcnəbi vətəndaşlar Azərbaycanda necə evlənə bilər? - NİKAHIN QAYDALARI
- Bu il evlənmək istəyən 126 nəfərdə QİÇS aşkarlanıb
- Mirşahin Milli Şuranın generalının evli xanımla intim münasibətini ifşa etdi - VİDEO
- Sevgilisinə su altında evlilik təklif edərkən boğulub öldü
- Arvadını və uşağını yandıran kişi 3 dəfə evli olub - Təfərrüat
- Evlənmək istəyən 24 nəfərdə HİV, 290 nəfərdə talassemiya AŞKARLANDI
- Bu agentlik 150 manata həyat yoldaşı tapır - Azərbaycanda qeyri-adi xidmət
- Metronun çıxışındakı xəbərdarlıq hamının diqqətini çəkdi: "Səbinə! Evli kişinin həyatını dağıdırsan..." - FOTO